पृथ्वी राजमार्ग सडक खण्डअन्तर्गत तनहुँको म्याग्दे गाउँपालिका–६ तुरतुरेमा शनिवार बिहान पहिरो खस्दा अवरुद्ध भएको राजमार्ग करीब ४ घण्टापछि खुलेको छ । 

बिहान करीब ४ बजेदेखि पहिरोका कारण अवरुद्ध भएको राजमार्ग पहिरो पन्छाएपछि नियमित सञ्चालनमा आएको हो ।

पहिरोका कारण पूर्णरूपमा अवरुद्ध राजमार्ग डोजरका सहायताले पहिरो पन्छाएपछि सञ्चालनमा आएको जिल्ला प्रहरी कार्यालय तनहुँका प्रहरी नायब उपरीक्षक युवराज खड्काले जानकारी दिए ।

४ वटा डोजर लगाएर पहिरो पन्छाएपछि अहिले निर्वाधरूपमा दुईतर्फी सवारीसाधन सञ्चालनमा आएको उनले बताए । पृथ्वी राजमार्ग सडकखण्ड अन्तर्गत तनहुँ जिल्लाको अन्य भागमा सडक अवरुद्ध नरहेको जिल्ला प्रहरी कार्यालय तनहुँले जनाएको छ ।