पछिल्लो समय कोरोना संक्रमितहरू बढ्दै गएका छन् । पछिल्लो २४ घण्टामा १०२ जनामा संक्रमण पुष्टि भएको हो । 

स्वास्थ्य तथा जनसंख्या मन्त्रालयका अनुसार दुई हजार ४६७ नमूना परीक्षणमध्ये ७२ जनामा पीसीआर र ३० जनामा एन्टिजेन पोजिटिभ देखिएको हो । 

पछिल्लो २४ घण्टामा कुनै पनि संक्रमितको मृत्यु भएको छैन । हालसम्मको मृत्यु संख्या ११ हजार ९५२ छ । 

मन्त्रालयका अनुसार थप ३१ जना संक्रमणमुक्त भएका छन्  ।

हाल मुलुकभर ६०५ सक्रिय संक्रमित छन् ।