सभामुखको निर्देशन विपरीत प्रतिनिधि सभाको रोस्टम कब्जा गरेको भन्दै नेपाली कांग्रेसकी सांसदले एमाले नेता भीम रावलप्रति कटाक्ष गरेकी छन् । 

बिहीवार बसेको प्रतिनिधिसभा बैठकको शून्य समयमा कांग्रेस सांसद रंगमती शाहीले सभामुखको आशन नै कब्जा हुने हो कि भनेर टिप्पणी गरेकी हुन् ।

‘आफले पारित गरेको नियमावली पढाउन स्कूल पठाउने हो भने पीएचडीको सर्टिफिकेटको अपमान हुने होला । नत्र सभामुखको आशन कब्जा हुने हो कि भन्ने चिन्ता बढेको छ,’ शाहीले भनिन् ।

यसअघि बुधवारको प्रतिनिधि सभाको बैठकमा रावलले अमेरिकी राज्य साझेदारी कार्यक्रम (एसपीपी) सम्बन्धमा जवाफ दिनका लागि सरकारलाई सभामुखबाट रुलिङ माग गर्दै संसदको रोस्टम घेरेका थिए ।