×

X
Nic Asia
Marvel
Khukuri

नेपाली उद्योगको प्रेरणादायी सफलता

पीरो चाउचाउको सफलताको कथा– कोरियन ब्रान्डलाई विस्थापित गरी नेपाली जिब्रोको रोजाइमा

बुटवल | साउन ११, २०७९

NTC
Argakhanchi Cement
Premier Steels
British college
TVS INSIDE

नेपाली बजारमा २ वर्ष अघिदेखि आएको ‘हट एण्ड स्पाइसी’ (पीरो) चाउचाउले अहिले बजार पिटिरहेको छ । तयारी ‘नूडल्स’ खाने नेपाली बानीमा स्पाइसीले नयाँ स्वाद थपेको छ ।

DHARA
LAxmi BAnk

मुलुकका ग्रामीण भेगमा उत्पादित अकबरे (डल्ले) खुर्सानीको प्रयोग गरिएको स्पाइसी चाउचाउ रूपन्देहीको यशोदा फूड्स प्रालिले बजारमा ल्याएको हो । नयाँ स्वादको चाउचाउ युवा पुस्ताको जिब्रोमा गढेको छ । 


Advertisment
NMB BANK
RMC TANSEN
NIC ISLAND BOX

नेपाली चाउचाउ ‘कल्चर’मा युवा पुस्तामाझ लोकप्रिय करेन्ट चाउचाउको २ वटा उत्पादन ‘करेन्ट हट एण्ड स्पाइसी’ र ‘टू एक्सएक्स’ (डबल पीरो) ले पीरो चाउचाउको बजारमा एकलौटी ‘राज’ गरिरहेको छ भन्दा पनि फरक पर्दैन । 

पीरो चाउचाउ अहिले खाजा मात्र नभई खानाकै रूपमा समेत कतिपयले प्रयोग गर्न थालेका उद्योगका सञ्चालक बताउँछन् । यसको ‘रिटेल’ मूल्य ५० रूपैयाँ छ । १८० रूपैयाँ पर्ने कोरियन पीरो (रामेन) चाउचाउ खाने नेपालीले सस्तो ५० रूपैयाँमा स्वदेशमै उत्पादित चाउचाउ खाँदै कोरियनलाई ‘हट एण्ड स्पाइसी’ले विस्थापित गर्न सफल भएको छ ।  


Advertisment
Bizbazar
Saurya island

रूपन्देहीका ६ जना उद्योगीले बजारमा ल्याएको चाउचाउको उद्योग तिलोत्तमा पत्थरडाँडाको सिद्धार्थ राजमार्गको छेउमै छ । विशाल क्षेत्रमा फैलिएको यशोदा फूड्सले पीरो चाउचाउ ल्याउनुअघि लाली, करेन्ट, जुप्पी, कालिज, गोलु, ओप्पो लगायतका चाउचाउ पस्किँदै आएको थियो । यशोदा फूड्स चाउचाउका सञ्चालक चुन्नु पौडेल, मधु घिमिरे, कमल मालपानी, नरिश्वर पौडेल, श्रवण बेरिवाल, मधु घिमिरे र ऋषि भण्डारी हुन् ।

यशोदा फूड्स प्रोडक्सका सञ्चालक चुन्नु पौडेलले किशोर र युवाको पहिलो रोजाइँमा पीरो चाउचाउ परिसकेको दाबी गरे । ‘चाउचाउमा हामीले सोचेभन्दा छोटो समयमै सफल भइयो,’ सञ्चालक पौडेल भन्छन्, ‘१५–४० वर्ष उमेर समूहका युवा पुस्ताले यहीँ चाउचाउ खोजीखोजी खाइरहेको छ । हामीले बजारको माग थेग्न सक्ने अवस्था छैन ।’

Vianet communication
IME BANK INNEWS

पीरो ब्राण्ड चाउचाउले कोरियन बजारको पुरानो रामेनलाई नेपालबाट विस्थापित गर्दै विश्व बजारमा समेत आफ्नो हिस्सा विस्तार गरेको चुन्नुको भनाइ छ । भारतदेखि युरोप हुँदै अमेरिकी बजारमा प्रवेश गरेको १ वर्ष नपुग्दै ‘हट’ चाउचाउले पुरानो ब्राण्ड रामेनलाई अन्तर्राष्ट्रिय बजारमा पनि उछिन्ने दौडमा छ । अहिले यो चाउचाउ दैनिक ५ हजार कार्टुन अर्थात् १ लाख प्याकेट उत्पादन भइरहेको छ, जुन बजार मागभन्दा कम रहेको चुन्नु बताउँछन् । चाउचाउको अहिलेको बजार माग दैनिक १ लाख २० हजारभन्दा बढी छ । 

नेपालका सबैजसो जिल्लासँगै युरोपदेखि अमेरिकासम्म दर्जनौं देशमा चाउचाउ पुगेको छ । यसको बढी माग अहिले नेपालका प्रमुख शहर, काठमाडौं, नारायणगढ, पोखरा, सिमरा, धरान, विराटनगर, वीरगञ्ज, नेपालगञ्ज, धनगढी, सुर्खेत र जुम्लामा छ ।
 
नेपालमा कोरियन पीरो चाउचाउ विगत ८–१० वर्ष अगाडिदेखि आउँथ्यो । १२० ग्राम कोरियन चाउचाउको मूल्य १८० रूपैयाँ पर्थ्यो । रूपन्देहीका ठूला उद्योगीहरू कमल मालपानी, चुन्नु नरिश्वर लगायतका उद्योगीले छलफल गरे, ‘यति महंगोमा कोरियन चाउचाउ खाने रहेछन् नेपालीले, हामीले नेपालमै उत्पादन गरे कसो होला ?’ छलफल गर्दै स्थानीयस्तरमै पीरो चाउचाउ उत्पादन गर्ने योजना बनाए । ६ महिनामै धेरै अध्ययन गर्ने विज्ञहरू झिकाए । नेपालमा यति धेरै चाउचाउ उद्योग भए पनि पीरो चाउचाउमा कसैको ध्यान नगएको ३ वर्ष अगाडिको अवस्था बताउँछन् चुन्नु ।

लाली, करेन्टसँगै यशोदा फूड्सले २ वर्ष अगाडिदेखि पीरो चाउचाउ उत्पादन थालेको थियो । पीरो चाउचाउ १२० ग्रामको छ । ‘हामीले ल्याएको नयाँ अवधारणा चौधरी ग्रूपले पनि ल्याउन सकेको रहेनछ । हामी सोचेभन्दा बढी सफल भएका छौं । बजार माग धान्न नसक्ने अवस्था भएपछि अबको केही महिनाभित्र कपिलवस्तुको चन्द्रौटामा ‘प्लान्ट’ थप्दैछौं,’ चुन्नु भन्छन्, ‘त्यसका लागि जग्गा खरिद गरी संरचना निर्माण र मशिन ल्याउन प्रक्रिया समेत अगाडि बढिसकेको छ ।’ पौडेलले पीरो चाउचाउको सफलतासँगै अब मसरुम चाउचाउ पनि बजारमा ल्याउने योजना रहेको बताए ।

पीरो चाउचाउ अहिले अमेरिया, अस्ट्रेलिया, क्यानेडा, पोल्याण्ड, मलेसिया, यूएई, भारत लगायतका दर्जन देशमा गइरहेको छ । विदेशबाट आएको पीरो चाउचाउ खाएका नेपाली स्थानीय उत्पादन खाँदै विदेशबाट डलर समेत भित्र्याएर देशको व्यापार घाटामा कम गराउन सफल भएका छन् । चाउचाउ उद्योगका प्रबन्धक मधु घिमिरेले पीरो चाउचाउले सरकारले तोकेको सम्पूर्ण मापदण्ड पूरा गरेको बताए ।

‘चाउचाउमा राखिने पीरो खुर्सानी नेपालमा पाउने अवस्था थिएन तर उद्योगीले विभिन्न पहाडी जिल्लामा पुगेर किसानहरूलाई १०–१० लाख रुपैयाँ अग्रिम पैसा बुझाएर अकबरे खुसानी खेती गर्न लगाए,’ उद्योगका व्यवस्थापक जीवराज जैन भन्छन्, ‘पीरो चाउचाउले गाउँमा खुर्सानी खेती थाल्ने बनायो । यो खुर्सानीको प्रयोग स्वास्थ्यका लागि पनि राम्रो छ । यो चाउचाउ खाँदा पेटको ग्यास्टिक पनि निको हुने पीरो चाउचाउका पारखीहरू बताउँदै आएका छन् ।’

पीरो चाउचाउको मात्रै वार्षिक ५ अर्ब रूपैयाँसम्मको कारोबार हुने गरेको प्रालिले जनाएको छ ।

विभिन्न जिल्लामा ‘प्लान्ट’ लगाउन खोजिएको छ । पहिलो रोजाइ कपिलवस्तु छ । जहाँबाट भारतको उत्तर प्रदेशमा बढी निर्यात गर्न सकिने सञ्चालयको लक्ष्य छ । नेपालगञ्जदेखि अन्य शहरमा पनि बजार राम्रो हुँदै गए चाउचाउका लागि अन्य शहरहरू पनि रोजाइँमा पर्नेछन्, जसले नेपाल–भारतका विभिन्न शहरलाई समेट्न सक्छ ।

नेपालमा सडक पहुँच पुगेका/नपुगेका सबै ठाउँमा पीरोसँगै लाली, करेन्ट अन्य उत्पादनहरू पनि पुगेका छन् । ‘हाम्रा चाउचाउले विदेशी चाउचाउको आयात प्रतिस्थापन गरेको छ । चाउचाउमा प्रयोग हुने ९० प्रतिशत कच्चा पदार्थ नेपालमा अग्र्यानिक तरिकाले उत्पादन हुन्छन्,’ व्यवस्थापक जैन भन्छन् । 

चाउचाउमा प्रयोग भएको खुर्सानी गुणस्तरीय र स्वास्थ्यका लागि हानी नहोस् भनेर स्वदेशकै प्रयोग गरिएको छ । पूर्वका विभिन्न जिल्लामा अकबरे खुर्सानी उत्पादन र संकलन गरेर चाउचाउका लागि प्रयोग भएको छ । ‘चाउचाउमा प्रयोग गरिएको पीरो धेरै भए पनि स्वास्थ्यलाई कुनै असर गर्दैन,’ अर्का सञ्चालक नरिश्वर पौडेल भन्छन्, ‘यो पीरो खाँदा मात्रा पीरो स्वाद हो । स्वास्थ्यलाई असर गर्दैन ।’

अकबरे खुर्सानीमा धेरै तत्वहरू हुने र त्यसले स्वास्थलाई राम्रो हुने उनको तर्क छ । बजारमा पठाउँदा पनि ल्याब टेस्ट गरेर मात्र पठाउने गरिएको छ । चाउचाउमा प्रयोग हुने मसला पनि यशोदा फूड्सकै हो । 

‘बाटो त आफैंले बनाउनुपर्छ । अरूले बनाएको बाटोमा त जो पनि सजिलै हिँड्छ,’ नरिश्वर भन्छन्, ‘हाम्रो लडाइँ अहिले गुणस्तरमै छ । जब उपभोक्ताले मन पराउँछ भने कसैले रोकेर रोकिन्न ।’

नपकाई काँचै खान पनि सकिने हुँदा यात्रा गर्दा होस् या विद्यालय, कार्यालय चाउचाउका प्याकेट झोलामा बोक्ने धेरै हुन्छन् । गरीबदेखि धनी र बच्चादेखि वृद्धासम्मले प्रयोग गर्ने चाउचाउको प्रतिप्याकेट पर्ने मूल्यले धेरै महत्त्व राखेको हुन्छ, नेपालीको खाजा चाउचाउ नै हो भन्दा फरक पर्दैन । जिब्रोलाई स्वादिलो, पकाउन छिटो र मूल्य पनि सस्तो भएकै कारण उच्च घरानादेखि गरीबको भान्सामा पनि चाउचाउ खाजामा प्रयोग हुन्छ ।

बुटवलकी बिन्दु पोखरेल पीरो चाउचाउकी पारखी हुन् । उनी दिनदिनै पीरो चाउचाउ खान्छिन् । ‘स्वादिलो, छिटो, मिठो, ट्वाक्क पीरो भएपछि प्रायः सधैं मेरो खाजा चाउचाउ हुन्छ,’ उनी भन्छिन् ।

नेपालीले अहिले दैनिक ४० लाख प्याकेट चाउचाउ खाने गरेको विभिन्न अध्ययनबाट देखिएको छ । नेपालमा चाउचाउको शुरूआत विक्रम संवत् २०३८ सालदेखि पोखराबाट रारा ब्राण्डले गरेको थियो । नेपाल धेरै चाउचाउ खाने विश्वका १० देशभित्र पर्ने गर्छ ।

Maruti inside
TATA Below
NLIC
ncc inside
असोज १, २०७९

मोफसलको पत्रकारिता अहिले जुन तहमा छ, त्यसमा धेरैको धेरैको योगदान छ । धेरै अग्रजको समर्पण, त्याग, लगाव र निष्ठा मिश्रित छ । मोफसलको पत्रकारिता इतिहास अध्ययनमा नछुट्ने अर्थात् छुटाउन नहुने एक पात्र हुन् अर्जुन ज्...

भदौ १८, २०७९

यूके आर्मीमा जागिर खाने लक्ष्य लिएर मोरङको सुनवर्षी नगरपालिका–१ का गणेश राईले बिहान–साँझ नभनी ४ वर्ष मेहनत गरे तर उनको मेहनत खेर गयो ।  आर्मीमा जागिर खाने गरी देखेको सपना सधैंका लागि ...

भदौ २५, २०७९

मोरङको सुन्दरहरैंचास्थित विराटचोकका भक्तबहादुर घिमिरे विगत ३७ वर्षदेखि साइकल बनाउने व्यवसायमा सक्रिय छन् ।  यसैबाट जीविकोपार्जन गर्दै आएका भक्तबहादुर अहिले पनि बिहानैदेखि साइकलको ‘फ्रेम’ ज...

भदौ २५, २०७९

पहाडको टुप्पोमा छ मुठाचौर । यहाँभन्दा माथि कुनै बस्ती छैन ।  तमानखोला गाउँपालिका–२ मा पर्ने मुठाचौर बागलुङ जिल्लाकै उच्च स्थानमा रहेको बस्ती हो । भौगोलिक हिसाबले निकै विकटमा रहेको मुठाचौर पर्य...

भदौ २५, २०७९

खोटाङको खोटाङ दिक्तेल मजुवागढी नगरपालिकाका महानन्द सुवेदी र लीला मायाका ४ सन्तान छन् । चारै जना यतिबेला निजामती सेवामा छन् । ३ छोरा र १ छोरी नै सरकारी जागिरे छन् । जेठा रुद्रप्रसाद कोशी अस्पतालको लेखापाल...

असोज १०, २०७९

मकवानपुरकी नानी मैयाँ तामाङले सीतापाइलाको फूटपाथमा मकै पोल्दै बेच्न लागेको उन्नाइस वर्ष भयो । मकै बेचेरै उनले आफ्नो पेट र घर–परिवार पाल्दै आएकी थिइन् । तर, काठमाडौं महानगरपालिकाले फूटपाथबाट हटाएप...

सूचनाको हक : सुशासनका लागि अनिवार्य शर्त

सूचनाको हक : सुशासनका लागि अनिवार्य शर्त

असोज १२, २०७९

सूचना नै शक्ति हो । सूचनाले सही तथ्यको उजागर गर्दछ । सही सूचना व्यवस्थापनको प्रमुख स्रोत हो । सूचनाको स्रोतबाट शासनको प्रभावकारिता बढेको हुन्छ । शासनलाई बलियो बनाउन नागरिकले शासकीय क्रियाकलापको जानकारी लिन...

साख बचाउन चुकेकी राष्ट्रपति !

साख बचाउन चुकेकी राष्ट्रपति !

असोज ६, २०७९

नेपालमा फेरि एकपटक संविधानमाथि निर्मम हमला भएको छ । हुन त यो दुईपटक सम्म संसद् विघटन गर्न खोज्दा सफल नभएको घटनाको क्रमिक शृंखला नै हो । शान्ति प्रक्रिया अझै टुंगोमा पुर्‍याउन नसकेको नकारात्मक अवस्थालाई ...

अछाम पहिरोले पुरेका 'मूल्यहीन' आँसुहरू र  हामीले सिक्न नसकेको पाठ

अछाम पहिरोले पुरेका 'मूल्यहीन' आँसुहरू र हामीले सिक्न नसकेको पाठ

असोज ३, २०७९

संसारमा आँसुको मूल्य कति हुन्छ, यसको स्पष्ट जवाफ कसैसँग छैन । विश्व फूटबलका चम्किला तारा लियोनल मेस्सीको एक थोपा आँसुको मूल्य भने १० लाख डलर हो । शायद यो नै ठोस रूपमा आँसुको पहिलो महंगो मूल्य होला । आफ्नो...

ad
x