काठमाडौंको चन्द्रागिरि नगरपालिका ४ गोदाम चौरमा अनियन्त्रित राँगोालाई गोली हानी मारिएको छ । शुक्रवार बिहान साढे ७ बजेतिर बाँकेको नेपालगन्जबाट ल्याइएको राँगोले आतंक मच्चाएको भन्दै प्रहरीले गोली हानी मारेको हो । 

मासुको प्रयोजनका लागि नेपालगञ्जबाट ल्याइएको राँगो थानकोटको खरीबोटमा झार्ने क्रममा भागेपछि आतंक मच्चाएको प्रहरीले जनाएको छ । थानकोट प्रहरीका अनुसार उक्त राँगो त्रिभुवनपार्क, चेकपोष्ट, गोदामचौरलगायतका स्थानमा अनियन्त्रित रूपमा कुदेपछि प्रहरीले गोली हानेको हो । 

अनियन्त्रित रूपमा दौडिएको राँगोलाई नियन्त्रण गर्ने प्रयास सफल नभएपछि गोली हानिएको प्रहरीले जनाएको छ । चार घण्टासम्म राँगोलाई नियन्त्रणमा लिने प्रयास गर्दा पनि नसकिएपछि गोली हानिएको प्रहरीको भनाइ छ । 

बिहान सबेरैको समय भएकाले अनियन्त्रित राँगोले मानवीय क्षति भने नपुर्‍याएको बताइएको छ ।