बजेट निर्माणको क्रममा अनधिकृत व्यक्ति सहभागी भएको भन्ने आरोप सम्बन्धमा छानबिन गर्न गठित संसदीय विशेष समितिको प्रतिवेदन प्रतिनिधि सभामा पेश भएको छ । 

शुक्रवार बसेको प्रतिनिधि सभाको दोस्रो बैठकमा सभापति लक्ष्मणलाल कर्णले प्रतिवेदन पेश गरेका हुन् । असार २२ गते गठित छानबिन विशेष समितिले १७ दिन लगाएर प्रतिवेदन तयार गरेको हो । १७ दिनमा २३ बैठक बसरी ७५ घण्टा काम गरिएको सभापति कर्णले बताए । 

प्रतिवेदनमा बजेट निर्माणको क्रममा अनधिकृत व्यक्तिको संलग्नता नदेखिएको उल्लेख छ । छानबिन समिति गठन भएलगत्तै जनार्दन शर्माले अर्थमन्त्रीबाट राजीनामा गरेका थिए । 

संसदीय छानविन समितिको प्रतिवेदन पेश गरेर प्रतिनिधि सभा बैठक साउन १७ गते मंगलवारसम्मको लागि स्थगित भएको छ ।