मदिरा सेवन गरेर स्कुल बस चलाउने ५ जना चालकलाई ट्राफिक प्रहरीले कारबाही गरेको छ । स्कुल बस निर्देशिकाविपरीत ट्राफिक नियम उल्लंघन गर्ने विभिन्न स्कुलका सवारी चालकहरूलाई कारबाही गरिएको हो । 

आइतवार चेकजाँचको क्रममा मदिरा सेवन गरेर बस चलाएको भेटिएपछि ट्राफिक प्रहरीले चालकहरूलाई कारबाही गरेको जनाएकाे छ । त्यस्तै ट्राफिक नियम उल्लंघन गर्ने थप ११ बस चालकलाई पनि प्रहरीले राजधानीका विभिन्न स्थानबाट कारबाही गरेको छ । 

ट्राफिक प्रहरीले चेकजाँच अभियानलाई निरन्तर  सञ्चालन गर्ने प्रवक्ता प्रहरी वरिष्ठ उपरीक्षक राजेन्द्र प्रसाद भट्टले जानकारी दिए ।