चैत २७, २०८०
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
साउन १८, २०७९
६ लाख रुपैयाँ घुस तथा स्रोत नखुलेको १६ लाख ५० हजार रुपैयाँसहित पक्राउ परेका उपसचिव प्रमोद नेपालले आफ्नो करीयरमा दाग लागे पनि सफाइ पाउने दाबी गरेका छन् ।
संस्कृति, पर्यटन तथा नागरिक उड्डयन मन्त्रालयका उपसचिव नेपालले लोकान्तरसँग संक्षिप्त प्रतिक्रिया दिँदै भने, ‘मेरो करीयर मुख्य सचिवसम्मको हो, तर एउटा दाग भने लाग्यो ।’
म्याद थप गर्नका लागि अख्तियार दुरुपयोग अनुसन्धान आयोगले बुधवार विशेष अदालतमा लगेका बेला नेपालले लोकान्तरलाई संक्षिप्त प्रतिक्रिया दिएका हुन् ।
‘मैले अहिले धेरै केही भन्दिनँ, बोल्नुपर्ने ठाउँमा म आफ्नो कुरा राख्ने नै छु,’ नेपालले लोकान्तरसँग भने, ‘विशेष अदालतबाट सफाइ पाउने नै छु, त्यसपछि तपाईं पत्रकारहरूसँग पनि सविस्तारमा आफ्नो कुरा राख्नेछु ।’
अख्तियार दुरुपयोग अनुसन्धान आयोगको टोलीले उनलाई २०७९ साउन १७ गते काठमाडौं महानगरपालिका–१ मनकामना मार्गस्थित एक होटलबाट ६ लाख रुपैयाँ घुस लिइसकेको अवस्थामा पक्राउ गरेको थियो ।
विशेष अदालतमा आउँदा पनि उनी आत्मविश्वासी जस्तो देखिएका थिए ।
उता, पर्यटन मन्त्रालयमा भने बुधवार दिनभर कर्मचारीलाई कुरा गर्ने मसलाको विषय प्रमोद बने ।
मन्त्रालयका उच्च अधिकारीदेखि कार्यालय सहयोगी र चालकहरू समेत प्रमोदको विषयमा कुराकानी गरिरहेका भेटिए ।
मन्त्रालयका एक कर्मचारीले लोकान्तरसँग भने, ‘आज दिनभर मन्त्रालयका कर्मचारीहरूबीच कामभन्दा प्रमोद सरकै विषयमा गफ धेरै भयो ।’
गोल्ड मेडलिस्ट उपसचिव घूससहित पक्राउ परेको समाचारले पर्यटन मन्त्रालयमा मात्र नभई सिंहदरबाभित्र बुधवार दिनभर चासो र चर्चा रह्यो ।
आयोगका प्रवक्ता श्यामप्रसाद भण्डारीका अनुसार प्याराग्लाइडिङ सञ्चालनका लागि अनुमतिपत्र उपलब्ध गराइदिने भन्दै सेवाग्राहीबाट ६ लाख रुपैयाँ घुस लिएको अवस्थामा रंगेहात पक्राउ गरिएको थियो ।
पछि उनको गाडीको खानतलासी गर्ने क्रममा स्रोत नखुलेको थप १६ लाख ५० हजार रुपैयाँ बरामद गरिएको भण्डारीले बताए ।
सोही मुद्दाको छानबिन गर्नका लागि ७ दिनको म्याद थप गराउन नेपाललाई विशेष अदालतमा उपस्थित गराइएको बेला नेपालले लोकान्तरलाई प्रतिक्रिया दिएका थिए ।
‘सन् २०१८/१९ को ब्याचमा त्रिभुवन विश्वविद्यालयको अर्थशास्त्र विषयमा स्नातकोत्तर गर्दा गोल्ड मेडल प्राप्त गरेको थिएँ,’ नेपालले लोकान्तरसँग भने, ‘त्यसपछि सरकारी छात्रवृत्तिमै इंग्ल्यान्डमा अध्ययन गरेको थिएँ ।’
शाखा अधिकृतबाट निजामती सेवामा प्रवेश गरेका उनको सरकारी सेवामा १२ वर्ष भएको छ ।
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
नेपालको संविधान पछिल्लो जनगणनाका आधारमा सबै घरधुरी वा घरबासमा नि:शुल्क उपलब्ध गराउन सर्वोच्च अदालतले दिएको आदेशको पूर्णपाठ सार्वजनिक भएको छ । अधिवक्ता विकास भट्टराईले दिएको रिटमा न्यायाधीशद्वय सुष्मालता माथ...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...