असमान ढंगले कर्मचारीको तलब बढाइएको विषयलाई लिएर आन्दोलित कर्मचारीहरू र अर्थमन्त्रालयका अधिकारीहरूबीच छलफल भइरहेको छ । 

आइतवार सार्वजनिक भएको तलबमानमा बजेटको घोषणाविपरीत तलब बढाइएको भन्दै नायब सुब्बा र त्यसभन्दा तल्लो तहका कर्मचाहरू आन्दोलनमा उत्रिएका हुन् । सोमवार सिंहदरबारमा कार्यरत कर्मचारीहरूले पेन डाउन गरेका थिए । 

त्यसपछि अर्थमन्त्रालयका अधिकारी र कर्मचारी नेताहरूबीच छलफल भइरहेको स्वतन्त्र निजामति कर्मचारी संगठन नेपालका अध्यक्ष पशुपति पोखरेलले जानकारी दिए । ‘अर्थमन्त्रालयमा हामी अर्थका अधिकारीहरूसँग छलफलमा छौँ,’ उनले लोकान्तरसँग भने, ‘हाम्रो माग पूरा भएन भने हामी देशव्यापी आन्दोलनमा उत्रिने तयारीमा छौँ ।’ अर्थमन्त्रालयमा भएको छलफल सकारात्मक नभए आन्दोलनका थप कार्यक्रम घोषणा गर्ने उनले बताए ।

आन्दोलनरत कर्मचारीहरूले अर्थमन्त्रालय घेराउ गरिरहेका छन् । 

याे पनि पढ्नुहाेस्

सिंहदरबारमा नासुहरूको पेनडाउनः माथिल्लो तहका कर्मचारीको तलब धेरै बढेकोमा विरोध