चीनले ताइवान नजिक गरिरहेको सैन्य अभ्यासका क्रममा समुद्रमा क्षेप्यास्त्र समेत प्रहार गरिरहेको छ । 

चिनियाँ जनमुक्ति सेनाले गरिरहेको यो अभ्यासलाई कतिपयले शक्तिप्रदर्शन मात्र भनेका छन् । तर यो ताइवान पुनरेकीकरणतर्फको पहिलो पाइला भएको चिनियाँ वेब डिभलोपर किवे वोङ लेख्छन् । 

चीनले ताइवान टापुको पूर्वतर्फ रहेको स्थानमा तारो छानीछानी प्रहार गरिरहेको छ । ताइवानले पनडुब्बीहरू कहाँ लुकाएको छ भन्ने कुरा चिनियाँ सेनालाई थाहा छ भन्ने जनाउ दिनका लागि यही लक्षित स्थानमा क्षेप्यास्त्र प्रहार गरिएको हो । 

ती पनडुब्बीहरूमा आणविक हतियार समेत राखिएका छन् । ती हतियारले चीनका प्रमुख शहरलाई ध्वस्त पार्न सक्छन् । 

चीनले युद्धको तयारीका लागि दुई लाख सैनिकहरू परिचालन गरेको छ । त्यसको मूल्य १ अर्ब डलरभन्दा बढी छ । 

अब चीन पछि हट्ने अवस्थामा छैन । यस सैन्य कारवाहीको एक मात्र लक्ष्य छ– ताइवान पुनरेकीकरण । 

चिनियाँ सेनाले न्यान्सी पलोसीलाई ताइवान अवतरण गर्नबाट रोकेन । त्यसले गर्दा अधिकांश चिनियाँहरू निराश भए । बलियो शत्रुविरुद्ध भिड्न चीन बलियो नरहेको जस्तो सन्देश गयो भन्दै चिनियाँहरूले निराशा व्यक्त गरे । 

तर लाओ चुको अध्ययन गरेका चिनियाँ सैन्य अधिकृतहरूका लागि पलोसीलाई रोक्नु ठूलो भूल हुने थियो । 

आफूले चाहेको कुरा पाउनका लागि विपक्षीले खोजेको अलिकति केही देऊ भन्छन् लाओ चु । 

विपक्षीलाई कमजोर बनाउनका लागि ऊ आफूभन्दा बलियो छ भन्ने अनुभव गर्न देऊ । 

यस प्राचीन ज्ञानले चीनलाई पुनरेकीकरणतर्फको प्रमुख पाइला चाल्न मद्दत गरेको छ । 

गत शुक्रवार चिनियाँ सेनाका सयवटा लडाकू विमानहरू ताइवानको एयर डिफेन्स आइडेन्टिफिकेसन जोनमा प्रवेश गरेका थिए । यसको अर्थ हुन्छ, ताइवानको उक्त क्षेत्रको अब कुनै महत्त्व छैन । 

शनिवार चिनियाँ जलसेनाका जहाजले ताइवान जलसन्धिको मध्यवर्ती रेखा पार गरे । अब मध्यवर्ती रेखा अनि विदेशी शक्तिको जलआवागमन स्वतन्त्रताको कुनै औचित्य छैन । 

चीनले रक्तपात नगरिकन ताइवानलाई पुनरेकीकरण गराउनेछ । चिनियाँ सेनाले ताइवानलाई नष्ट पार्ने लक्ष्य लिएको छैन । ऊ विदेशी शक्तिको हस्तक्षेप रोक्न मात्र चाहन्छ । 

पृथक्तावादीहरूसँग लाग्नुमा कुनै फाइदा छैन, उल्टो घाटा मात्र छ भन्ने कुरा ताइवानी जनताले छिट्टै बुझ्नेछन् । 

विदेशी शक्तिहरू संसारभरि लडाइँमा व्यस्त हुँदा चिनियाँ सेनाले दुई दशकदेखि पुनरेकीकरणका लागि तयारी गरिरहेको छ । 

चीनले त्यसका लागि उपयुक्त उपाय अपनाउनेछ ।