ताइवानका सैन्य अधिकृतहरूले मंगलवार गरिएको अभ्यास बेइजिङलाई जवाफ फर्काउनका लागि नभएको बताएका छन् । 

एएफपी समाचार संस्थाले दिएको खबरअनुसार, अभ्यासका क्रममा ताइवानका सयौं सैनिकहरू तैनाथ गरिएका छन् र ४० वटा हावित्जर तोप पनि उपयोग गरिएका छन् । 

चीनले ताइवान टापुमाथि गर्न सक्ने आक्रमण रोक्नका लागि अभ्यास गरिएको बताइएको छ । 

अमेरिकी संसद्की सभामुख न्यान्सी पलोसीले अघिल्लो साता ताइवान भ्रमण गरेपछि आक्रोशित चीनले दिनदिनै ताइवान जलसन्धिमा सैन्य अभ्यास गरिरहेको छ ।