‘कबड्डी’ फेम्ड निर्देशक रामबाबु गुरुङको निर्देशनमा चलचित्र ‘फूलबारी’ निर्माण हुने भएको छ । बुधवार साँझ राजधानीका पत्रकार सम्मेलनको आयोजना गर्दै दयाहाङ राई र विपिन कार्कीको मुख्य भूमिका रहने चलचित्र निर्माणको औपचारिक घोषणा गरिएको हो । 

यशोधा फिल्मसको ब्यानरमा सामाजिक कथामा यो चलचित्र निर्माण हुन लागेको हो । अभिभावक र सन्तानबीचको सम्बन्धको कथामा चलचित्र बन्न लागेको कार्यक्रममा जानकारी दिइयो । चलचित्रमा दयाहाङ र विपिनका साथमा अरुणा कार्की, मिरुना मगर, प्रियंका कार्की, सिर्जना सुब्बा, लोकेन्द्र लेखकलगायतको अभिनय रहनेछ । 

कमल किशोर मलपानीको कथा र कन्सेप्ट, उपेन्द्र सुब्बाको पटकथा रहेको चलचित्रको निर्माता मनिष ढकाल हुन् । चलचित्रको छायाँकन भदौपछि शुरू हुनेछ । अमेरिकी प्राविधिक जोस हेरमले चलचित्रलाई खिच्नेछन् ।