अखिल नेपाल फुटबल संघ (एन्फा)ले विभिन्न १९ वटा निर्णय गरेको छ । बिहीबार बसेको एन्फा कार्यसमिति बैठकले मानार्थ अध्यक्षमा नरेन्द्र श्रेष्ठलाई नियुक्त गर्ने निर्णय गरेको छ । यस्तै वरिष्ठ मानार्थ उपाध्यक्षमा किशोर राईलाई आगामी साधारणसभामा अनुमोदनका लागि पेश गर्नेगरी नियुक्त गर्ने निर्णय गरेको एन्फा महासचिव किरण राईले जानकारी दिए । 

यस्तै विवादमा तानिएका अन्तर्राष्ट्रिय विभाग प्रमुख नवीन पाँडेको जिम्मेवारी खोसिएको छ । विदेशी नागरिकता लिएका उनलाई एन्फा सल्लाहकारमा सीमित गरिएको छ । 
यस्तै एन्फाको प्रवक्तामा सुरेश शाह नियुक्त भएका छन् ।