सत्ता गठबन्धन दलबीच सिट बाँडफाँटका लागि नीतिगत समझदारी भएको छ । बिहीबार बसेको सत्ता गठबन्धन कार्यदलको बैठकमा सिट बाँडफाँटका लागि नीतिगत समझदारी भएको कार्यदलका सदस्य वर्षमान पुनले जानकारी दिए । उनका अनुसार हाल गठबन्धन दलका सदनमा रहेको संख्या ,२०७९ को जनमत, पार्टीको संवेदनशीलता आदिलाई ध्यानमा राखी सिट तालमेल गर्ने नीतिगत समझदारी भएको छ । 

बैठकपछि उनले कार्यदलको बैठक सौहार्दपूर्ण र सकारात्मक ढंगले सम्पन्न भएको पनि सामाजिक सञ्जालमार्फत जनाएका छन् । ‘कार्यदलको बैठक सौहार्दपूर्ण र सकारात्मक रह्यो’, पुनको भनाइ छ, ‘हाल गठबन्धन दलका सदनमा रहेको संख्या ,२०७९ को जनमत,पार्टीको संवेदनशीलता आदिलाई ध्यानमा राखी सिट तालमेल गर्ने नीतिगत समझदारी भएको छ ।’