अमेरिकाका पूर्व राष्ट्रपति डोनाल्ड ट्रम्पको घरमा छापा हान्न प्रयोग भएका ‘सर्च वारेन्ट’लाई फ्लोरिडाका न्यायाधीशले रद्द गरेका छन् ।

अन्तर्राष्ट्रिय सञ्चारमाध्यमका अनुसार छापा मार्दा परमाणु हतियारसँग सम्बन्धित ‘अति गोप्य’ दस्तावेज बरामद गरिएका थिए । जाँचमा जासूसी सम्बन्धी नियमको सम्भावित उल्लंघन गरेको उल्लेख छ । 

हालै ट्रम्पको फ्लोरिडास्थित आवासमा अमेरिकी संघीय जाँच एजेन्सी फेडरल ब्युरो अफ इन्भेस्टिगेसन (एफबीआई) ले परमाणु हतियार सम्बन्धी दस्तावेज खोज्न छापा हानेको थियो ।

ट्रम्पले भने एफबीआईको छापालाई राजनीतिक षड्यन्त्र भनेका छन् । ट्रम्पले ह्वाइट हाउस छाड्दा गोप्य दस्तावेज पनि सँगै लिएर गएको हुनसक्ने आशंकामा छापा हानिएको थियो । एफबीआईले ट्रम्पको निजी क्लबमा समेत छापा हानेको थियो ।