मंसिर ३०, २०८०
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
सवारीसाधन चलाउने चालकको काम संवेदनशील हुन्छ । त्यसमा पनि विशिष्ट पदधारण गरेका व्यक्तित्व सवार हुने सवारीसाधन चलाउने चालकका लागि विशेष अनुशासन र संवेदनशीलता हुन्छन् ।
१ नम्बर प्रदेशमा भीआईपी मध्येकै पद मुख्यमन्त्रीको गाडी कुदाउने एक्ला चालक (गुरु) हुन् गणेश राजवंशी । उनले जागिर खाएको २४ वर्ष बित्यो । २४ वर्षमध्ये उनले धेरै समय भीआईपीलाई यात्रा गराएका छन् ।
‘धेरै भीआईपीहरू ड्युटीमा खटिन मान्दैनन्, नियम कडा हुन्छ । उहाँहरूले गाडीभित्र गरेका कुरा कसैलाई पनि सुनाउनु हुँदैन । कहाँ जाने भनेर पूर्व जानकारी लिएको हुनुपर्छ । गाडी कुदाएको बेलामा गाडीको स्टेरिङमा भन्दा अन्यत्र ध्यान दिन पाइँदैन । केही भइहाल्यो भने त्यसको दोष जति सबै ड्राइभरलाई आउँछ,’ गणेशले भने ।
भीआईपी कुदाउने गाडीमा छुट्टै नियम हुने र सबैले पालना गर्न नसक्ने उनले बताए । २०५५ सालदेखि भीआईपीहरूलाई सेवा दिइरहेको उनले बताए । २०५५ सालमा तत्कालीन सिँचाइमन्त्री महेन्द्रराय यादवदेखि हालसम्मका भीआईपीलाई गन्तव्यमा पुर्याउने/ल्याउने उनको यात्रा अहिले पनि जारी छ ।
भीआईपी हिँडाउँदा खाने टुंगो नहुने उनको भनाइ छ । ‘धेरै भीआईजीले त वास्ता पनि गर्दैनन् तर केहीले भने खाना खाए/नखाएको ख्याल गरेको पनि पाएँ,’ उनले भने । मुख्यमन्त्रीको सचिवालयका सरहरूले एकछिन मुख्यमन्त्रीज्यूको अलमल हुनासाथ खाना खाइहाल्नू भनेर भन्ने गरेको उनले बताए ।
उनले १ नम्बर प्रदेशका तीनै जना मुख्यमन्त्रीलाई सुरक्षित यात्रा गराएका छन् । २ जना मुख्यमन्त्री परिवर्तन भइसकेका छन् भने बहालवाला मुख्यमन्त्रीलाई पनि सेवा दिइरहेका छन् । पूर्व मुख्यमन्त्री शेरधन राई र भीम आचार्य मुख्यमन्त्रीबाट बिदा भइसकेका छन् । मुख्यमन्त्री राजेन्द्र राई बहालवाला हुन् । ‘शेरधन राई मुख्यमन्त्री हुँदा आधा महिना जति मात्रै काम गर्नुपर्थ्यो,’ उनले भने, ‘उहाँ महिनामा १५ दिनजति काठमाडौं नै बस्नुहुन्थ्यो । काठमाडौंमा गृह मन्त्रालयले ७ वटै प्रदेशका मुख्यमन्त्रीका लागि छुट्टै गाडी र ड्राइभरको व्यवस्थापन गर्ने गरेको छ । भीम आचार्य र राजेन्द्रकुमार राई बढी समय प्रदेशमै बस्ने गरेका उनले बताए ।
उनलाई भीआईपीको गाडी कुदाउनका लागि नै सुनसरी मोरङ सिँचाइ आयोजनाको कार्यालयमा सरुवा गरिएको छ । उनलाई सिँचाइ मन्त्रालयबाट काजसरुवा गरेर ल्याइएको थियो ।
तत्कालीन प्रधानमन्त्री माधवकुमार नेपाल र झलनाथ खनाललाई मोरङ, सुनसरी लगायतका १ नम्बर प्रदेशका धेरै जिल्लामा पुर्याएको उनले बताए । संविधान सभाका अध्यक्ष सुवासचन्द्र नेम्वाङलाई पनि धेरै कार्यक्रममा सहभागी गराएको उनले बताए । ‘माधव नेपालले राम्रो गाडी कुदाउनु हुँदोरहेछ गुरुजी, दिनभर तपाईंले ड्राइभिङ गरेको गाडीमा हिँड्दा पनि नगलिने रहेछ भनेर धन्यवाद दिनुभयो,’ उनले सम्झिए । गाडी चलाउँदा सुवासचन्द्र नेम्वाङले पनि प्रशंसा गरेको उनले बताए । ‘यसरी प्रशंसा गर्दा हौसला मिल्छ । काम गर्दा हौसला मिलेमा दिनभरको थकाइ मेटिन्छ,’ उनले भने, ‘अहिले प्रधानमन्त्रीहरूका लागि गाडी कुदाउनु पर्दैन, नेपाली सेनाकै ड्राइभरले कुदाउने गरेका छन् ।’
उनले गाडी कुदाएरै ३ छोरी र १ छोरालाई पढाइरहेका छन् । जेठी छोरी चित्रकुमारीले एचए सकेकी छन् भने माइली छोरी कल्पनाले स्नातक सकेकी छन् । कान्छी छोरी मिना ८ कक्षा र छोरा चन्द्रराज ७ कक्षामा पढिरहेका छन् ।
भीआईपीलाई सेवा दिए पनि उनले त्यसबाट कुनै फाइदा भने लिएका छैनन्, छोरीहरूलाई जागिर लगाएका छैनन् । उज्यालो भएदेखि राति नसुतेसम्म भीआईपीसँगै भए पनि छोरीहरूलाई जागिर लगाइदिनुपर्यो भनेर आँट नगरेको उनी बताउँछन् । ‘मैले पनि भनसुनमा जागिर खाएको होइन, क्षमताका आधारमा खाएको हो,’ उनले भने, ‘छोरीहरूले पनि क्षमताका आधारमा खालान् भन्ने लागेको छ ।’
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...