×

X
Nic Asia
Marvel
Khukuri

प्रतिनिधि सभा निर्वाचन

माओवादीको चिह्न रोजेका वामदेवको इच्छा– प्यूठानबाट चुनाव लड्ने

काठमाडाैं | साउन ३१, २०७९

NTC
Argakhanchi Cement
Premier Steels
British college
TVS INSIDE

नेकपा एकता राष्ट्रिय अभियानका संयोजक वामदेव गौतम प्रतिनिधिसभा चुनाव लड्ने भएका छन् ।

DHARA
LAxmi BAnk

राष्ट्रियसभामा मनोनित सदस्य रहेका गौतम कार्यकाल नसकिँदै राष्ट्रिय सभा छाडेर प्रतिनिधिसभा चुनाव लड्ने तयारीमा जुटेका हुन् । उनले माओवादी केन्द्रको चिह्न हँसिया हथौडाबाट उम्मेदवारी दिने पक्का भएको छ ।


Advertisment
NMB BANK
RMC TANSEN
NIC ISLAND BOX

नेकपा माओवादी केन्द्रले वामदेव गौतमको पार्टीलाई आफ्नो चिह्नबाट चुनाव लड्न दिने निर्णय मंगलवार गरेको छ । मंगलवार नै यसको जानकारी निर्वाचन आयोगलाई गराइँदै छ ।

२०७४ सालको प्रतिनिधिसभा चुनावमा बर्दियाबाट पराजित भएका गौतमले प्यूठानबाट चुनाव लड्ने इच्छा व्यक्त गरेका छन् ।


Advertisment
Bizbazar
Saurya island

‘वामदेव कमरेडको चाहना प्यूठानबाटै चुनाव लड्ने छ । २०७० सालमा बर्दिया र प्यूठानबाट चुनाव जितेपछि उहाँले प्यूठान नै रोज्नुभएको थियो,’ गौतमनिकट स्रोतले लोकान्तरसँग भन्यो, ‘२०७४ सालमा पार्टीले निर्णय गरेर बर्दिया पठाएको हो, फेरि उहाँ प्यूठानबाटै चुनाव लड्न चाहनुभएको छ ।’ 

२०७४ सालमा वामपन्थी गठबन्धन गर्दा जनमोर्चाले प्यूठानमा दाबी गरेको थियो । जनमोर्चाको प्रभाव रहेको प्यूठानबाट दुर्गा पौडेल विजयी भएकी थिइन् । अघिल्लो चुनावमा वाम गठबन्धनका सूत्राधार गौतमले पार्टीभित्रबाट अन्तर्घात गरेर हराइएको गुनासो गरेका थिए । 

Vianet communication
IME BANK INNEWS

नेकपा विभाजन हुनुअघि गौतमलाई प्रधानमन्त्री बनाउने तयारी भएको थियो । राष्ट्रियसभाको सदस्य पनि प्रधानमन्त्री बन्न पाउने व्यवस्थासहित संविधान संशोधनको गृहकार्य भएपनि त्यसमा सहमति जुट्न सकेको थिएन । 

त्यसपछि उपनिर्वाचन गराएर गौतमलाई प्यूठानबाट प्रतिनिधिसभामा ल्याउने चर्चा चलेको थियो । त्यो प्रस्तावले ठोस आकार लिन सकेन । 

राष्ट्रियसभा सदस्य रहेका गौतमले आफू भूमिकाविहीन सभामा नबस्ने भन्दै प्रतिनिधिसभा चुनाव लड्ने कसरत गरेका हुन् ।

२०७७ असोज १ गते गौतम मन्त्रिपरिषद्को सिफारिशमा राष्ट्रपतिले नियुक्त गर्ने कोटामा वामदेव सांसद बनेका थिए । 

‘प्यूठानबाटै चुनाव लड्ने उहाँको योजना छ, अन्य क्षेत्रबारे सोचिएको छैन,’ गौतममा एक सहयोगीले लोकान्तरसँग भने । माओवादीको चिह्न लिएर चुनाव लड्ने भएपछि उनी गठबन्धनको उम्मेदवार बन्ने भएका छन् । 

नेता गौतमले आफ्नो लागि कुन क्षेत्र छुट्याउने त्यो प्रचण्डको जिम्मा भएको बताएका छन् ।

‘मैले गोलाकारभित्रको हँसिया हथौडा चिह्नबाट चुनाव लड्ने भनेर प्रचण्डजीसँग सहमति गरेको छु । मेरो लागि प्रचण्डजीले कसको हिस्साबाट सीट छुट्याउनुहुन्छ, त्यो मलाई थाहा छैन । जे होस्, नयाँ प्रयोग गर्दैछौं,’ गौतमले निर्वाचन आयोगको कार्यकक्षमा मंगलवार भने, ‘माओवादीको चुनाव चिह्नबाट लड्दा हाम्रो पार्टी गठबन्धनमा नभए पनि मैले चुनाव जित्ने कुरा सुनिश्चित हुन्छ ।’

यस्तो छ प्यूठानको राजनीतिक समीकरण 

वरिष्ठ वामपन्थी नेता मोहन विक्रम सिंहको गृहजिल्ला समेत रहेको प्यूठानमा जनमोर्चाको प्रभाव अहिले पनि कायम छ । २०५६ सालको चुनावमा नवराज सुवेदी र हरि आचार्य प्यूठानबाट चुनाव जितेका थिए । 

२०६४ सालको संविधानसभा निर्वाचनमा प्यूठानका दुवै क्षेत्रमा माओवादी विजयी भएको थियो । २०७० सालको चुनावमा वामदेव गौतम प्यूठान १ बाट विजयी भएका थिए । १३ हजार ९ सय ३२ मत प्राप्त गरेर गौतम विजयी भएका थिए । २०७० सालमा वामदेव १ बाट विजयी हुँदा प्यूठान २ बाट हिराबहादुर केसी विजयी भएका थिए । 

गौतम २०४८ र २०५१ सालमा बर्दिया १ बाट विजयी भएका थिए । २०७४ सालको चुनावमा जनमोर्चाकी दुर्गा पौडेल पौडेल ४७ हजार ५ सय १४ मतसहित विजयी हुँदा कांग्रेसका डा. गोविन्द पोखरेलले ३१ हजार २ सय ८६ मत पाएका थिए । भर्खरै सम्पन्न स्थानीय तह निर्वाचनमा प्यूठानमा कांग्रेस र माओवादीले समान ३ पालिका जित्दा एमाले दुई स्थानमा खुम्चिएको छ । 

तर, वडाध्यक्षमा पाएको भोटका आधारमा नेकपा एमाले अग्रस्थानमा छ । नेकपा एमालेले ३९ हजार ८७७ मत पाउँदा कांग्रेसले २१ हजार ५६४ मत पाएको छ । माओवादीले १७ हजार १ सय ६३ र जनमोर्चाले १३ हजार ६ सय १२ मत पाएका छन् ।

नेकपा एकीकृत समाजवादीले १ हजार ४ सय १७ मत पाउँदा राप्रपाले ४ सय ३३ मत पाएको छ । 

गठबन्धनको मत एक ठाउँमा जोड्दा ५३ हजार ७ सय ५६ हुन्छ । 

जनमोर्चालाई मिलाएर गठबन्धनबाट सर्वसम्मत उम्मेदवार बनेममा गौतमलाई सहज हुनेछ । तर, जनमोर्चाकी दुर्गा पौडेलले सो क्षेत्र नछाड्ने बताएकी छिन् ।

मंसिर ४ गते हुने प्रतिनिधि सभा निर्वाचनमा एमालेका तर्फबाट सूर्य थापा र कांग्रेसका तर्फबाट डा. गोविन्द पोखरेल आकांक्षी छन् । 

Maruti inside
TATA Below
NLIC
ncc inside
असोज १७, २०७९

सत्तारुढ पाँचदलीय गठबन्धनले आजै सीट र निर्वाचन क्षेत्र बाँडफाँटको अन्तिम टुंगो लगाउने भएको छ ।  सोमवार बिहानैदेखि प्रधानमन्त्री निवास बालुवाटारमा बसेको गठबन्धनका शीर्ष नेताहरूको बैठकले सीट बाँडफाँट टु...

असोज १६, २०७९

तीनपटक भएको मधेश आन्दोलनका प्रमुख कमान्डर उपेन्द्र यादव सप्तरी- २ बाट फेरि पनि प्रतिनिधि सभाको उम्मेदवार बन्ने लगभग निश्चित छ । तीनपटक लगातार चुनाव जितिसकेका उनी चौथोपटक प्रतिनिधिसभामा प्रवेश गर्नका लागि प्रयासर...

असोज १७, २०७९

पूर्वपश्चिम राजमार्गअन्तर्गत मकवानपुर जिल्लाकोे हेटौंडा उपमहानगरपालिका–१५ चुरियामाई मन्दिर नजिकै बिहान यात्रुबाहक बस दुर्घटना हुँदा २ जनाको मृत्यु भएको छ । मृत्यु हुनेमा झापाको दमक–५ मोडेल क्याम्...

असोज १६, २०७९

हाल देशमा मनसुनी वायुको सामान्य प्रभाव रहेको छ ।   जल तथा मौसम पूर्वानुमान महाशाखाका अनुसार आइतबार बिहान देशभर आंशिकदेखि सामान्य बदली रहेको छ।  यस्तै दिउँसो प्रदेश १, बागमती र गण्डकी प्रदेशका ...

असोज १६, २०७९

कांग्रेसले आगामी मंसिर ४ गते हुने निर्वाचनका लागि निर्वाचन आयोगमा बुझाएको समानुपातिक उम्मेदवारको बन्दसूची हेरफेर गरेको छ । निर्वाचन आयोगले आजसम्म बन्दसूची सच्याउने समय दिएको छ । निर्वाचन आयोगले दिएको समयम...

असोज १७, २०७९

पूर्वप्रधानमन्त्री एवं नेपाल समाजावादी पार्टीका अध्यक्ष डा. बाबुराम भट्टराईले आगामी निर्वाचनमा उम्मेदवारी नदिने घोषणा गरेका छन् । गोरखावासीलाई सम्बोधन गर्दै उनले सोमवार फेसबूकमा लेखेका छन्– 'आग...

मासु खाने पर्व मात्रै हो र दशैं ?

मासु खाने पर्व मात्रै हो र दशैं ?

असोज १५, २०७९

गाउँको दशैं र शहरको दशैं एउटै भए पनि मनाउने ढंग अलग–अलग छ । शहरमा दशैंमा न पिङ हुन्छ, न आत्मियता । गाउँमा परदेशबाट फर्कनेको लर्को, बोका, खसी र च्यांग्राको आवाज, धानका बाला लहलह झुलेका शितल हावा चले...

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

असोज १४, २०७९

यो वर्ष दशैंको मौसम शुरू भैसक्यो तर घर (जुम्ला) जान न सडक मार्ग गतिलो छ, न त हवाइमार्गको टिकट सहजै पाइन्छ । सधैँ झैं हुन्छ कि भनेर ‘झुक्याउने’ एयरलाइन्स एजेन्सी एजेन्ट मोबाइल फोन अफ हुन थालिस...

रवीन्द्र मिश्रको हाँसो लाग्दो भाषण सुनेपछि...

रवीन्द्र मिश्रको हाँसो लाग्दो भाषण सुनेपछि...

असोज १३, २०७९

बीपी कोइरालाको आदर्श मैले बोकेको छु भन्दै चुनावको मुखैमा रवीन्द्र मिश्र राप्रपा नेपालको हलो तान्न आइपुगेका छन् । पशुपति शमशेर राणा जत्तिकै उमेरसम्म  बाँचेर भए पनि देशको रक्षा गर्ने अठोट लिएका मिश्रले देशमा...

ad
x