पतिपत्नीको उमेरको अन्तर २–४ वर्ष नै राखिन्छ तर एक जोडीको उमेर अन्तर ४० वर्ष रहेको पाइएको छ ।

ब्रिटेन निवासी ८७ वर्षीया एडना र ४७ वर्षीय साइमन मार्टिनले हालै १७औं वैवाहिक वर्षगाँठ मनाएका छन् । तर जोडी उमेर अन्तरका कारण चर्चामा छ ।

यो जोडीले दुनियाँको कुरालाई मतलब गर्दैन । बजार जाँदा पनि हात समातेर जान्छन् । शहरकै रेस्टुरेन्टमा वर्षगाँठ समेत मनाएका छन् । वर्षगाँठमा दुवैले गिफ्ट आदानप्रदान गरेका छन् ।

सञ्चारमाध्यम डेलीमेलमा प्रकाशित रिपोर्टअनुसार दुवै पतिपत्नी प्रेम व्यक्त गर्न पछि पर्दैनन् । साइमनले भने, ‘हामी दुवै एकअर्कासँग घुम्न जान्छौं । हामीले उमेर अन्तर भएका अरु जोडीलाई पनि प्रभावित गरेका छौं । हामीलाई देखेर नै अन्य उमेर अन्तर भएका प्रेमीप्रेमिकाले विवाह पनि गरेका छन् ।’