बागमती प्रदेशका प्रदेश प्रमुख यादवचन्द्र शर्माले बुधवार २ वटा अध्यादेश जारी गरेका छन् ।

बागमती प्रदेशका प्रदेश प्रमुख यादवचन्द्र शर्माले प्रदेश निजामती सेवाको गठन, सञ्चालन र सेवाका शर्तहरू सम्बन्धमा व्यवस्था गर्न बनेको अध्यादेश र स्थानीय तहका सेवाको गठन तथा सञ्चालन सम्बन्धमा व्यवस्था गर्न बनेको अध्यादेश जारी गरेका हुन् । 

प्रदेश मन्त्रिपरिषद्को गत साउन २४ गते बसेको बैठकले अध्यादेश जारी गर्न प्रदेश प्रमुखको कार्यालयमा पठाउने निर्णय गरेको थियो । निर्णयअनुसार गत साउन २६ गते प्रदेश प्रमुखको कार्यालयमा आएको अध्यादेश जारी सम्बन्धी सिफारिसलाई संविधानको धारा २०२ को उपधारा (१) बमोजिम प्रदेश प्रमुखले जारी गरेका प्रदेश प्रमुख कार्यालयका प्रवक्ता कृष्णप्रसाद आचार्यले जानकारी दिए ।