राजस्व अनुसन्धान विभागले १ करोड १० लाख २४ हजार २९ रुपैयाँ बिगो कायम गरी ६ जनाविरुद्ध उच्च अदालत पाटनमा मुद्दा दर्ता गरेको छ । सुनवल नगरपालिका वडा नम्बर ३ का धर्मराज हरिजन, लुम्बिनी सांस्कृतिक नगरपालिका वडा नम्बर १२ का श्यामबहादुर यादव, बुटवल नगरपालिका वडा नम्बर ४ का रमेश गोपाली, मायादेवी गाउँपालिका वडा नम्बर ७ का इस्तिहाक अहमद, सरावल गाउँपालिका वडा नम्बर ४ की बिनुमाया श्रेष्ठ र बुटवल उपमहानगरपालिका ११ का अनिल श्रेष्ठविरुद्ध मुद्दा दर्ता गरिएको हो ।  

२०७९ जेठ २५ गते चितवनको भरतपुर महानगरपालिका १ बालकुमारी चौक स्थित लु १ ख ९५४५ नम्बरको ट्रकमा माथिबाट सिमेन्ट लोड गरी तल विभिन्न किसिमका २३ पोका कपडा लुकाई ओसार–पसार गरिरहेको अवस्थामा बरामद गरिएको थियो । भन्सार महसुल तथा मूल्य अभिवृद्धि कर छली गरेको भन्दै उनीहरूविरुद्ध बिहीवार मुद्दा दर्ता गरिएको हो ।