नेपाल  कम्युनिस्ट  पार्टी (माओवादी केन्द्र)को स्थायी कमिटी बैठक आज (शुक्रवार) बस्दैछ । 

पदाधिकारी र स्थायी कमिटीलाई पूर्णता दिनेगरी आज  स्थायी कमिटी बैठक बोलाइएको हो । 

यसअघि बिहीवारका लागि बैठक बोलाइएको थियो । 

तर पदाधिकारी छान्न सकस परेपछि बैठक सारिएको माओवादी नेताहरूले नै बताएका छन् । 

यद्यपी पार्टीले भने प्रतिनिधि सभा बैठकका  कारणले  बिहीबारको  बैठक  स्थगित  गरिएको जनाएको छ । 

अध्यक्ष पुष्पकमल दाहाल ‘प्रचण्ड’ले बिहीवारको बैठकमा पदाधिकारीको नाम प्रस्ताव गर्ने भनिएको थियो । 

यसअघि  नै  अध्यक्ष  प्रचण्डले  वरिष्ठ  उपाध्यक्षमा नारायणकाजी श्रेष्ठ र उपाध्यक्षमा कृष्णबहादुर महरा बनाउने प्रस्ताव गरिसकेको छन्  ।  

माओवादीभित्र  पदाधिकारीका  लागि  २५  भन्दा बढी नेताले दाबी गरेका छन् । 

पदाधिकारीमा  नेताहरूको  दाबी  रहँदै  आएपछि माओवादी आठौँ महाधिवेशन सकिएको सात महिनामा पदाधिकारी, स्थायी समिति चुनिन सकेको  छैन  ।

 त्यस्तै  पोलिटब्युरो  र  केन्द्रीय  समितिले पनि पूर्णता पाउन सकेको छैन ।