पुस २२, २०८०
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
लाल सिंह चड्ढा फिल्मका साथ आमिर खान लगभग चार वर्षपछि ठूलो पर्दामा देखिए ।
फिल्मको दायरा, १८० करोड भारुको बजेट र आमिरको सुपरस्टार हैसियतका कारण फिल्मबाट धेरै अपेक्षा गरिएको थियो । तर फिल्म फ्लप रह्यो ।
सात दिनमा यस फिल्मले भारतभरिबाट जम्मा ४९ करोड भारु कमायो । तुलनै गरेर हेर्नुपर्दा केजीएफ ः च्याप्टर २ को हिन्दी डबले शुरूकै दिनमा ५४ करोड भारु कमाएको थियो ।
हिन्दी फिल्म उद्योग सन् २०२२ मा रोगी देखिएको छ तर लाल सिंह चड्ढा फ्लप हुनु तनावकै विषय हो ।
यो वर्ष द कश्मीर फाइल्स, भूलभुलैया २ र गंगुबाई काठियावाडी जस्ता दुईतीन फिल्मबाहेक हिन्दी भाषाका अन्य कुनै पनि फिल्म हिट भन्न मिल्ने खालका छैनन् ।
अक्षय कुमार (सम्राट् पृथ्वीराज), कंगना रनावत (धाकड) र रणवीर सिंह (जयेशभाइ जोरदार) सबै धराशायी भए ।
आमिर र उनको लाल सिंह चड्ढाले बलिउडलाई पुनरुत्थान गर्ने अपेक्षा धेरैले गरेका थिए । तर फिल्म फ्लप हुँदा त्यसको दुईवटा कारण देखिएका छन् ः कि त फिल्मको कन्टेन्ट दर्शकले मन पराएनन् कि त फिल्मको बहिष्कार गर्नुपर्ने बलियो अभियान चलेकाले असर पर्यो ।
फिल्म प्रदर्शकहरू यस फिल्मको गुणस्तर नै कमजोर भएकाले फ्लप भएको बताउँछन् । दिल्लीका एक हलवाला भन्छन्, ‘बहिष्कार अभियानले खासै प्रभाव पारेको हैन । पद्मावत फिल्मलाई पनि बहिष्कार गर्नुपर्ने आवाज उठेको थियो र विरोध प्रदर्शन समेत भएको थियो । तैपनि फिल्मले पहिलो सप्ताहान्तमा १०० करोड भारुभन्दा बढी कमायो । लाल सिंह चड्ढालाई दर्शकले ठाडै अस्वीकार गरिदिए । दर्शकको चाहनालाई फिल्मनिर्माताहरूले विचार गर्नुपर्ने भएको छ ।’
तर विगतका केही फिल्महरूको कन्टेन्टलाई पनि समीक्षकहरूले आलोचना गरेका थिए । आमिर खानकै अघिल्लो फिल्म ठग्स अफ हिन्दोस्तान र धूम ३ लाई समीक्षकले ध्वस्त पारेका थिए । तैपनि ती फिल्महरूको शुरूआत राम्रो थियो किनकि गजबको हाइप गरिएको थियो ।
धूम ३ ले सन् २०१३ मा पहिलो दिन ३६ करोड भारु कमाएको थियो भने ठग्स अफ हिन्दोस्तानले सन् २०१८ मा ५१ करोड भारुको कीर्तिमान कायम गरेको थियो ।
तुलना गरी हेर्दा लाल सिंह चड्ढाले भारतमा पहिलो दिन जम्मा ११.७० करोड भारु कमाउन सकेको थियो ।
फिल्म व्यापार विश्लेषक रमेश बाला यसको व्याख्या गर्छन्, ‘कमजोर कन्टेन्ट र बहिष्कार अभियान दुवै यसमा जिम्मेवार छन् । तर बहिष्कार अभियान नै प्रमुख कारण हो । पहिलो दिन नै फिल्मले सुस्त व्यापार गरेको हो । पहिलो दिन जम्मा ११ करोड भारुको व्यापारले मानिसहरू हलमा आउन इच्छुक छैनन् भन्ने देखायो । समीक्षाहरूले पनि पहिलो दिन र त्यसपछिका दिनहरूको कमाइलाई असर पारेका हुन् । तर पहिलो दिन नै झुर व्यापार हुनु भनेको बहिष्कार अभियानको असर हो ।’
तर फिल्म उद्योगका भित्रियाहरूका अनुसार, लाल सिंह चड्ढा र अक्षय कुमारको रक्षाबन्धन राखीको दिन रिलीज गर्नु नै गलत निर्णय थियो । राखीको दिन मानिसहरू फिल्म हेर्न घरबाट निस्कने अपेक्षा गरिँदैन ।
फिल्म व्यापार विश्लेषक अतुल मोहन भन्छन्, ‘फिल्मको ओपनिङ सुस्त हुनु आश्चर्यको कुरा हैन । रक्षाबन्धन पर्वको बारेमा थाहा हुनेहरूका लागि यो चकित बनाउने कुरै हैन । ईदमा जस्तो गरी मानिसहरू यो दिन घरबाहिर निस्कँदैनन् । त्यसैले पहिलो दिन हल नभरिनु अपेक्षाकृत नै थियो । त्यसपछि चाहिँ फिल्मको व्यापार समीक्षा तथा दर्शकको प्रतिक्रियामा निर्भर रहन्छ ।’
फिल्मले त्यति राम्रो समीक्षा नपाएपछि व्यापारमा पनि असर परेको हो । दर्शकको प्रतिक्रियाले पनि फिल्मलाई सहयोग गरेन ।
केही विज्ञहरूका अनुसार, महामारी युगपछि फिल्मको विधा र दर्शकहरूको बदलिएको प्राथमिकताले लाल सिंह चड्ढा जस्ता फिल्मको ग्राह्यतामा असर पारेको छ । कोभिड–१९ शुरू भएपछि फिल्म हेर्ने जमात ओटीटीमा उपलब्ध कन्टेन्ट हेरिरहेको छ र निश्चित किसिमको फिल्म हेर्नका लागि मात्र घरबाहिर निस्कने गरेको छ ।
‘लाल सिंह चड्ढा विशुद्ध पारिवारिक मनोरञ्जन दिने फिल्म हो । दर्शकहरू आजकल यस्तो फिल्म हलमा नभई ओटीटीमा हेर्न चाहन्छन् । मानिसहरू हलमा मनोरञ्जन लिनका लागि जाने हुन् । उनीहरू हलसम्म जान बाध्य बनाउने विशाल स्केलका मनोरञ्जक फिल्म चाहन्छन् । नत्र उनीहरू ओटीटीमै फिल्म हेर्छन् । आजकल त हलमा रिलीज भएका फिलम पनि ४–६ हप्तामा ओटीटीमा आइपुग्छन्,’ रमेश बालाले बताए ।
बलिउडका मेगास्टारमध्ये एकको ठूलो फिल्मले यस्तो कमजोर प्रदर्शन गरिरहेको छ भने शायद फिल्म उद्योगले दर्शकको चाहना बुझ्न नसकेको भन्नुपर्छ । हालैको एक कार्यक्रममा कलाकार आर माधवनले यसलाई सम्बोधन गरे ।
‘अहिले तपाईंसामु पूरै परिवर्तन भइसकेको, उच्च शिक्षित दर्शक छ जसलाई विश्व सिनेमाका बारेमा राम्रो ज्ञान छ । उनीहरू तपाईंलाई त्यही मापदण्डअनुसार मूल्यांकन गर्छन् । यसमा कसैको दोष छैन । हामीलाई हलमा दर्शक तान्न सक्ने क्षमता भएको पटकथा बनाउन केही समय लाग्ला तर हामी त्यसमा सफल हुनेछौं,’ उनले बताए ।
जेजस्तो भए पनि लाल सिंह चड्ढाको असफलताले बलिउडलाई आत्मनिरीक्षण गर्न बाध्य बनाएको हुनुपर्छ । फिलम उद्योगले यसबाट राम्रै पाठ सिक्नु जरूरी छ ।
हिन्दुस्तान टाइम्समा प्रकाशित पत्रकार अभिमन्यु माथुरको सामग्री
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...