निलम्बित प्रधानन्यायाधीश चोलेन्द्र शमशेर जबराले आफूलाई सरकारले नजरबन्दमा राखेको आरोप लगाएका छन् ।

प्रतिनिधिसभाको कार्यकाल सकिएपछि आफूविरुद्धको महाभियोग स्वत: निष्क्रिय भएको दाबीसहित सर्वोच्च अदालत प्रवेश गर्ने तयारी गरेका चोलेन्द्र बालुवाटारस्थित सरकारी निवासबाट निस्किनै पाएनन् ।

सरकारले गेटमा सुरक्षाकर्मी परिचालन गरेर आफूलाई नजरबन्दमा राखेको चोलेन्द्रको आरोप छ ।

उनले दाबी गरेजस्तै प्रधानन्यायाधीश निवासको गेटबाहिर सुरक्षाकर्मी भने परिचालन भएको छ । त्यसो त आइतवार सर्वोच्च अदालतबाहिर पनि बाक्लो संख्यामा सुरक्षाकर्मी परिचालन गरिएको थियो ।