उत्तर कोरियाले केही दिनभित्रै नयाँ ब्यालिस्टिक क्षेप्यास्त्र प्रक्षेपण गर्न लागेको अमेरिकी थिंकट्यांक स्टिमसन सेन्टरले दाबी गरेको छ ।

भूउपग्रहीय तस्वीरलाई उद्धृत गर्दै स्टिमसनले बताएअनुसार, क्षेप्यास्त्र नयाँ पनडुब्बीबाट प्रक्षेपण गरिनेछ । 

पनडुब्बी बनाइएको स्थान नजिक ६ वटा पहिले नदेखिएका बार्ज र भेसलहरू देखिएकाले उत्तरले क्षेप्यास्त्र प्रक्षेपणको तयारी गरेको बताइएको छ । 

उत्तर कोरियाले संयुक्त राष्ट्रसंघका प्रतिबन्धहरूलाई ठाडै उल्लंघन गरेको भन्दै अमेरिकाका राष्ट्रपति जो बाइडनले बताएलगत्तै क्षेप्यास्त्र प्रक्षेपण तयारीको खुलासा भएको हो ।