×

X
Nic Asia
Khukuri
Daraz

विवादले घेरिएका मुख्यमन्त्री

अपेक्षित काम गर्न नसकेको लुम्बिनी सरकार– आलोचनाको घेरामा मुख्यमन्त्री !

बुटवल | असोज ११, २०७९

NTC
Argakhanchi Cement
Premier Steels
TVS INSIDE

तत्कालीन नेकपा विभाजनले प्रदेशको नेतृत्व सम्हाल्ने अवसरमा पाएका लुम्बिनी प्रदेशका मुख्यमन्त्री कुलप्रसाद केसीको कार्यकाल अपेक्षित सफल हुन सकेको छैन ।

LAxmi BAnk
nabil BANK inside

केसीले ‘जम्बो’ मन्त्रिमण्डल बनाएर २८ साउन २०७८ मा लुम्बिनी सरकारको नेतृत्व सम्हालेका थिए । एमाले नेता शंकर पोखरेल साढे ३ वर्ष सरकारको नेतृत्व गरेर २७ साउनमा बाहिरिएका थिए । 


Advertisment
RMC TANSEN
cg elex island
NIC ISLAND BOX

पोखरेल नेतृत्वको सरकारमा छँदा सकारात्मक छवि बनाएका केसीले सरकारकै नेतृत्वमा पुगेपछि भने अपेक्षित काम गर्न नसकेका हुन् । लुम्बिनीमा पाँचदलीय गठबन्धनको ‘मिलिजुली’ सरकार छ । 

१७ सदस्यीय ‘जम्बो’ मन्त्रीमण्डल गठन, बुटवलस्थित लुम्बिनी प्रादेशिक अस्पतालको ६ अर्ब बढीको भवन ठेक्कामा चलखेल, सचिवालयमा आवश्यकताभन्दा बढी आसेपासे नियुक्ति, कर्मचारी सरुवामा हस्तक्षेप, स्थायी राजधानीमा पूर्वाधार नबनाई राजधानी सार्न हतारो गरेको जस्ता आरोप उनीमाथि छन् ।


Advertisment
Saurya island

पोखरेल नेतृत्वको सरकारमा ७ वटा मन्त्रालय र ६ सदस्यीय मन्त्रिमण्डल थियो । माओवादीले समर्थन फिर्ता लिएपछि जसपाको एक पक्षलाई समेटेर उनले केही महिना ८ मन्त्री र एक राज्यमन्त्री समेतको सरकार चलाए । 

अहिले केसी नेतृत्वको सरकारमा ४ राज्यमन्त्रीसहित १७ मन्त्री छन् । गठबन्धनका दलहरूबीच भागबण्डा पुर्‍याउन मनपरी मन्त्रालय विभाजन गरिएको छ ।

Vianet communication
IME BANK INNEWS

१७ सदस्यीय मन्त्रिपरिषद्मा माओवादीका ६, कांग्रेसका ६, जसपाका ३, नेकपा एकीकृत समाजवादीका १ र स्वतन्त्र १ मन्त्री छन् ।

माओवादी केन्द्रबाट स्वास्थ्य राज्यमन्त्री बनेकी विमला वलीको विवादास्पद गतिविधिको चौतर्फी आलोचना भएपछि उनले राजीनामा दिइन् ।

सत्ता टिकाउन जथाभावी मन्त्रालय विभाजनले लुम्बिनीमा कर्मचारीको अभाव छ । जसले गर्दा मन्त्रालयका काम कारवाही राम्रोसँग हुन सकेको छैन । मुख्यमन्त्री केसीको सचिवालय पनि १८ सदस्यीय छ । 

मुख्यमन्त्रीको विषयमा गठबन्धनभित्रै असन्तुष्टि बढेको छ । नेपाली कांग्रेस प्रदेशसभाका निर्वतमान प्रमुख सचेतक फकरुद्धिन खानले सरकारले आफ्ना उद्देश्य र लक्ष्य हासिल गर्नतर्फ ध्यान पुर्‍याउन नसकेको बताए ।

‘उहाँ (मुख्यमन्त्री) ले सचिवालय पनि सबल र चुस्त पनि बनाउन सकेको देखिएन,’ खानले लोकान्तरसँग भने, ‘प्रदेशका महत्त्वपूर्ण काम पनि सत्ता साझेदारसँग परामर्श नगरी एकलौटी गर्नुभयो । त्यसको विरोधमा हामी बोलेकै हो ।’

खानले थपे, ‘संघीय सरकारले प्रदेशमा अधिकार प्रत्यायोजन पनि गरेन । कर्मचारी अभावसँगै अघिल्ला सरकारले थोपरेको बोझ बोकेर हिँड्दा सरकारले गनुपर्ने काम गर्न नसकेको जस्तो देखियो । ठूलो परियोजनामा मुख्यमन्त्री जोडिएका विषयमा पनि हामीले गम्भीर र शुक्ष्म ढंगले अध्ययन गरेका छौं ।’ 

लुम्बिनीमा भत्ताका लागि मात्रै झण्डै १ अर्ब रुपैयाँ बजेट राखिँदा आलोचना भइरहेको छ । कर्मचारी, मन्त्री, प्रदेशसभाका सभामुख, उपसभामुख र प्रदेशसभा सदस्यको बैठक भत्ताका लागि उक्त रकम छुट्याइएको हो ।

सरकारकै तलब सुविधा खाने मन्त्रालय र कार्यालयका कर्मचारीकै लागि सरकारले ११ करोड ५० लाख रुपैयाँभन्दा बढी बजेट छुट्याएको छ । सबैभन्दा बढी प्रदेशसभाका लागि साढे ७ करोड भत्ता मात्र छ । भत्तालाई प्राथमिकता दिएको भन्दै आलोचना हुँदा मुख्यमन्त्री कानमा तेल हालेर बसेका छन् । 

केसीले सचिवालयमा छोरी मानवी केसीलाई दोभासेमा नियुक्ति दिलाएका छन् । प्रमुख राजनीतिक सल्लाहकार अमर डाँगी घोराही बस्छन्, बुटवल मुख्यमन्त्री कार्यालय कहिलेकाहीँ मात्र आउँछन् । अरू सल्लाहकार सचिवालयमा नियुक्त भएका सहयोगीले पनि मुख्यमन्त्रीको कामलाई व्यवस्थित गर्नेभन्दा अरू नै कामलाई प्राथमिकता दिएको भन्दै आलोचना हुँदै आएको छ ।

राजधानी निर्धारण गर्ने कार्यसूचीसहित बसेको प्रदेशसभा बैठकमा रोस्ट्रमबाटै बोल्दै तत्कालीन आन्तरिक मामिला तथा कानून मन्त्री कुलप्रसाद केसीले नाराबाजी गरिरहेका कांग्रेसका सांसदलाई ‘घिसारेर निकालिहाल’ भन्ने अभिव्यक्ति दिएका थिए । सामाजिक सञ्जालमा यो अभिव्यक्ति  ‘भाइरल’ भएको थियो । 

प्रदेश पूर्वाधार प्राधिकरणका कार्यकारी अधिकृत धु्रव मजगैयाको कार्यकाल बाँकी रहँदै बर्खास्त गरेपछि अदालतले पुनर्बहाली गर्‍यो । तर, सरकारले उनलाई काम गर्न दिएन । प्राधिकरणको कार्यकारी अधिकृतमा अनन्तराम घिमिरे नियुक्त भए । घिमिरेलाई दबाबमा विवादास्पद काम गर्न लगाउँदा उनले राजीनामा दिएको चर्चा भयो । उनले राजीनामा दिनुको कारण हो, प्रादेशिक अस्पतालको ठेक्का प्रकरण । 

कानून र नियमसम्मत ठेक्का अघि बढाउनुको साटो मिलेमतो (सेटिङ) मा ठेक्का अघि बढाउन दबाब आएपछि उनले राजीनामा दिएको चर्चा छ ।

६ अर्बको यो ठेक्कामा डेढ अर्बको चलखेल भएको बताइन्छ । सार्वजनिक खरिद अनुगमन कार्यालयले ठेक्का प्रकरणमा देखिएका कमजोरीबारे सम्झाउँदै प्राधिकरण र मुख्यमन्त्री कार्यालयलाई पत्र काटेको थियो ।

यसपछि पहिलेको ठेक्का रद्द भयो । नयाँ कार्यकारी नियुक्त गरी पुनः ठेक्का अघि बढाइयो । यो ठेक्का पनि निश्चित कम्पनीले ठेक्का हाल्न पाउने गरी गरियो । यो ठेक्का पनि विवादित भयो । अहिले ठेक्कासम्बन्धी विवाद अदालतमा पुगेपछि ठेक्का अघि नबढाउन भन्दै उच्च अदालतले सरकारका नाममा अन्तरिम आदेश जारी गरेको छ ।  

अस्पताललाई प्रदेश सरकारले प्रदेश गौरवको आयोजनाको रूपमा अघि बढाएको हो । यो अस्पताललाई विशेषज्ञ सेवासहितको अस्पताल बनाउन लागिएको हो । ठेक्काको सेटिङमा मुख्यमन्त्री नै लागेपछि प्रदेश गौरवको यो आयोजना अघि बढ्नै सकेको छैन । अस्पतालको भवन निर्माणसम्बन्धी ठेक्का अघि बढाएर काम शुरू गर्न सकेको भए जस मुख्यमन्त्री केसीले लिन्थे । 

सरकारका प्रवक्ता तथा आन्तरिक मामिला मन्त्री तिलकराम शर्माले अस्पतालको भवन ठेक्का प्रकरणमा मुख्यमन्त्रीलाई जोडेर अतिरञ्जित प्रचार गरिएको दाबी गरे । ‘सरकार सफल छ । अनावश्यक रूपमा विभिन्न योजनामा मुख्यमन्त्रीलाई जोड्नु आवश्यक छैन । गठबन्धनको सरकार बनेपछि प्रदेशवासीले साँच्चै सरकार भएको महसूस गरेका छन्,’ शर्माले लोकान्तरसँग भने । 

एमाले प्रदेशसभा संसदीय दलका उपनेता बैजनाथ चौधरीले विवादित कामले प्रदेश संरचनाप्रति नै नागरिकको वितृष्णा बढाउने काम गरेको बताए । 

‘सरकारमा जाने भनेको काम गर्नका लागि हो भन्ने बुझेर काम गरेको भए अवसर थियो, त्यो अवसर गुमाएर मुख्यमन्त्री विवादै विवादमा फस्नुभयो,’ उनले भने ।

प्रदेश सरकारका विभिन्न मन्त्रालयमा रहेका कर्मचारीहरूका अनुसार उनको कार्यकालमा प्रदेशको प्राथमिकता निर्धारण गरी कामले लय लिएको थियो । 

कर्मचारी सरुवा मापदण्डका आधारमा हुँदा कसैले अन्याय भएको महसूस गरेका थिएनन् । सरकार कुनै विवादमा फसेको थिएन । कर्मचारी प्रशासन प्रणालीमा चलेकाले कर्मचारीहरू काममा उत्साहित थिए । 

अहिले कर्मचारी प्रशासन भद्रगोल भएको छ । कर्मचारी सरुवा भएर कुनै कार्यालयमा पुगेको तीन महिना नबित्दै अर्को कार्यालयमा सरुवा हुने प्रवृत्ति बढेको छ । यसले कर्मचारी प्रशासन अस्थिर भएको छ ।

बजेट खर्च पनि राम्रो हुन नसकेको र भएको खर्चले प्रभावकारी नतिजा दिन नसकेको कर्मचारीहरू बताउँछन् । कर्मचारी सरुवामा मनपरी भएकोबारे नेपाल निजामती कर्मचारी संगठनले विरोध समेत गरेको छ ।

Maruti inside
Mega
NLIC
TATA Below
ncc inside
मंसिर १०, २०७९

मोरङ क्षेत्र नं. १ बाट प्रतिनिधि सभा सदस्यमा नेपाली कांग्रेसका डिग बहादुर लिम्बु विजयी भएका छन् । एमालेका घनश्याम खतिवडालाई पराजित गर्दै लिम्बु विजयी भएका हुन् । लिम्बुले २७ हजार २ सय ९७ मत ल्याउँदा खतिवडाले २६...

मंसिर १०, २०७९

नेकपा (माओवादी केन्द्र) समानुपातिकतर्फको मतमा पनि तेस्रो स्थानमा उक्लिएको छ । शुरूबाटै समानुपातिकतर्फ चौथो स्थानमा रहँदै आएको माओवादी शनिवार मध्याह्नबाट तेस्रो स्थानमा उक्लिएको हो । १२ बजेर ३० मिनेट जाँदा...

मंसिर १०, २०७९

हाल देशमा उल्लेखनीय मौसमी प्रणाली नरहेको जल तथा मौसम पूर्वानुमान महाशाखाले जनाएको छ । महाशाखाका अनुसार शनिबार बिहान सुदूरपश्चिममै र लुम्बिनी प्रदेशका तराई भूभागका केही स्थानमा हुस्सु लागेको छ भने बाँकी भूभ...

मंसिर १०, २०७९

नेकपा एमालेका अध्यक्ष केपी शर्मा ओलीले केही पार्टीको मत वृद्धि अस्वाभाविक भएको दाबी गरेका छन् । उनले एउटा पार्टीलाई आएको केही समानुपातिक मत ३ प्रतिशत नकट्ने गठबन्धनमा रहेको अर्को पार्टीमा जोड्ने जस्ता गलत कार्य भए...

मंसिर १०, २०७९

प्रधानमन्त्री शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड'बीच भेटवार्ता भएको छ ।  मंसिर ४ मा सम्पन्न प्रतिनिधिसभा निर्वाचनको प्रत्यक्षतर्फको नतिजा आउने क्रम अन्...

मंसिर १०, २०७९

प्रदेश नम्बर १ मा नेकपा एमाले सबैभन्दा ठूलो पार्टी बन्ने निश्चित देखिएको छ । सत्ता गठबन्धनको बाबजुद नेकपा एमालेले प्रदेश नम्बर १ को प्रदेशसभामा राम्रो नतिजा ल्याएको हो । प्रत्यक्षतर्फ कुल ५६ सिटमा भएको निर्वाचनमा हा...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x