दशैंको टीकाको दुई दिनपछि अर्थात असोज २१ गतेदेखि प्रदर्शनमा आउने चलचित्र ‘दुई नम्बरी’को ट्रेलर सार्वजनिक गरिएको छ । 

मंगलवार राजधानीमा एक कार्यक्रमका बीच सार्वजनिक गरिएको ट्रेलरमा चलचित्रका प्रमुख कलाकारहरू दयाहाङ राई, सौगात मल्ल, उपासना सिंह ठकुरी, उगेन छोदेन, बुद्धि तामाङ लगायत प्रस्तुत छन् । 

भुटानी अभिनेत्री उगेनको ‘दुई नम्बरी’ पहिलो नेपाली चलचित्र हो । ग्रामीण परिवेशमा मित्रताको कथामा निर्माण गरिएको चलचित्रमा कमेडी पनि मिसाइएको  छ । 

सार्वजनिक ट्रेलरमा दयाहाङ र सौगातको मित्रता, पैसा कमाउन उनीहरूले गर्ने जंगली पशुपन्छीको शिकार, अभिनेत्रीहरूसँगको मायाप्रेम लगायतलाई ट्रेलरमा देखाइएको छ । 

‘घामपानी’, ‘छ माया छपक्कै’ फेम्ड निर्देशक दीपेन्द्र लामा निर्देशित चलचित्रमा दीपक मनाङे, अमलादेवी राई र जयश श्रेष्ठ निर्माताका रूपमा छन् । 

किरण नेपाली चलचित्रका प्रस्तुतकर्ता हुन् । दयाहाङ र सौगातको सहकार्य, सफल निर्देशकको चलचित्र, गीत र ट्रेलरले बनाएको हाइपका कारण ‘दुई नम्बरी’लाई प्रतिक्षित चलचित्रको रूपमा हेरिएको छ ।

हेर्नुहोस्, ट्रेलर :​