बुधबार देशका विभिन्न स्थानमा वर्षाको सम्भावना रहेको जल तथा मौसम पूर्वानुमान महाशाखाले जनाएको छ  । महाशाखाका अनुसार बुधबार दिउँसो  प्रदेश १, बागमती र गण्डकीका थोरै स्थान र बाँकी प्रदेशका एक दुई स्थानमा वर्षाको सम्भावना छ ।

राति प्रदेश १ र बागमतीका थोरै स्थान तथा बाँकी प्रदेशका एक दुई स्थानमा वर्षाको आँकलन गरिएको छ ।

हाल मनसुनको न्यून चापीय रेखा सरदर स्थान भन्दा दक्षिणी भूभागमा अवस्थित रहेको छ । जसका कारण बिहान भने देशको पहाडी भूभागमा आंशिक देखि सामान्य बदली रहि बाँकी भूभागमा आंशिक बदली रहेको छ।