प्रहरीले काठमाडौं १३ बाफल स्थित सडक खण्डबाट लागुऔषधसहित दुई जनालाई नियन्त्रणमा लिएको छ । उक्त सडकखण्डमा केही मानिसहरूले प्रतिबन्धित लागुऔषध बिक्री–वितरण, ओसार–पसार तथा सेवन गर्ने कार्य गरिरहेको भन्ने गोप्य सूचना प्राप्त हुनासाथ खटिएको प्रहरीले दुई जनालाई पक्राउ गरेको हो । 

प्रहरी वृत्त कालिमाटीबाट प्रहरी अधिकृतसहितको प्रहरी टोलीले बाराको कलैया नगरपालिका १ घर भई हाल बल्खु बस्दै आएका २२ वर्षीय रामेश्वर साह र बाराकै बारागढी ०३ घर भई बल्खु बस्दै आएका २२ वर्षीय राजकुमार साहलाई नियन्त्रणमा लिएको हो । 

उनीहरूको साथबाट डाइजेपाम–९०० एम्पुल, नुर्फिन–९०० एम्पुल, फेनारगन–९०० एम्पुल गरी जम्मा २ हजार ७०० एम्पुल बरामद भएको प्रहरीले जनाएको छ ।