नेपालका लागि यामाहा मोटरसाईकल तथा स्कुटरको आधिकारिक विक्रेता  'एमएडब्लु इन्टरप्राइजेज प्रालि'ले  नेपालकै अत्याधुनिक र सर्वाधिक सुविधा सम्पन्न शोरुम सञ्चालनमा ल्याएको छ । 

कम्पनीले बिहीवारदेखि सो शोरूम औपचारिक रूपमा सञ्चालनमा ल्याएको हो ।

प्रमुख अतिथि यामाहा मोटर इण्डियाग्रुपका चेयरमेन इशिन चिहाना, यामाहा मोटर इण्डिया सेल्स् प्रालिका डाइरेक्टर हिडेफुमी कवाइ र एमएडब्लू इन्टरप्राइजेजका म्यानेजिङ डाइरेक्टर विष्णु कुमार अगरवालका हातबाट संयुक्त उद्घाटन गरिएको थियो । 

शोरुम  दुई पांग्रेहरूका लागि नेपालमा सबैभन्दा ठूलो र अत्याधुनिक शोरुम मानिएको कम्पनीले जनाएको छ ।

यामाहाको विश्व व्यापी नयाँ अवधारणा ब्लु स्क्वायर' लाई अबलम्बन गरी नक्सालमा उक्त शोरुम सञ्चालनमा ल्याइएको हो।

यामाहाको 'ग्लोबल मोटर स्पोर्ट्स लिगेसी' लाई आत्मसाथ गर्दै सम्पूर्ण राईडर्सले आफ्रो राइडिङ प्रतिको चाहना र उत्साहलाई हरेक कुनाबाट अनुभव गर्न सक्ने स्थानको रुपमा 'ब्लु स्क्वायर' शोरुमलाई लिइएको छ।

ब्लु स्क्वायर शोरुममा प्रयोग गरिएको 'ब्लु' कलरले यामाहा ब्राण्डको 'रेसिङ डीएनए' लाई झल्काउने र 'स्क्वायर'ले 'अन स्टप बाइङ जंक्सन' जसमा ग्राहकले मोटरसाईकल, स्कुटर, एसेसोरिज् र एपरेल एकै ठाउँबाट अनुभव तथा खरिद गर्न पाउने सुविधा रहने कम्पनीको भनाइ छ।

यस शोरुममा 'बेटर कस्टोमर एक्सपेरियन्स' अनुभव गर्नुको साथै छिटो र 'पर्सनलाइज्ड अन टु अन सर्भिस' प्रदान गरिने कम्पनीले जानकारी दिएको छ ।