भारतीय प्रधानमन्त्री नरेन्द्र मोदी नियम पालनामा कट्टर देखिएका छन् ।

भारतीय राज्य गुजरातमा चुनावका लागि लागू गरिएका नियम पालना गर्ने क्रममा उनले राजस्थानको आबू रोडमा शुक्रवार आयोजित सभालाई सम्बोधन नै गरेनन् ।

गुजरातमा शुक्रवार राति १० बजेदेखि माइकमा भाषण गर्न नपाइने नियम लागू भएको छ । तर उनले गुजरातसँगै जोडिएको राजस्थानको आबू रोडको कार्यक्रमलाई सम्बोधन गरेनन् ।

प्रधानमन्त्री मोदी आबू रोडको कार्यक्रममा साँझ ८ बजे पुगेर सम्बोधन गर्ने तय थियो तर उनी १० बजे कार्यक्रममा पुगे । उनी कार्यक्रममा पुग्दा चुनावी नियम लागू भइसकेको थियो । त्यसैले उनले त्यहाँ कुनै सम्बोधन गरेनन् । मोदीको सम्बोधन सुन्न हजारौं व्यक्ति कार्यक्रममा भेला भएका भारतीय सञ्चारमाध्यमले जनाएका छन् ।

उनले कार्यक्रममा भने, ‘मलाई यहाँ पुग्न ढिला भयो, १० बजिसकेको छ । मेरा आत्माले भन्छ कि कानून–नियमको पालना गर्नुपर्छ । त्यसैले म तपाईं सबैसँग क्षमा माग्छु । तर म सबैलाई विश्वास दिलाउन चाहन्छु – म यहाँ फेरि आएर तपाईंले देखाउनुभएको प्रेमको व्याजसहित चुकाउनेछु ।’

#WATCH | At Abu Road in Rajasthan, PM Narendra Modi didn't use a mic to address the huge gathering as he didn’t want to violate any rule of using loudspeaker post 10pm pic.twitter.com/8Q0SyKFkdI

— ANI (@ANI) September 30, 2022