भक्तपुर प्रहरीले बलात्कारको झुटो जाहेरी दर्ता गराएको अभियोगमा एक महिलालाई पक्राउ गरेको छ । 

नवलपरासी बर्दघाट चिसापानी घर भई हाल काठमाडौं जडिबुटी डेरा गरी बस्ने ३४ वर्षीया एक महिलाले झुटो जाहेरी दिएको भेटिएपछि प्रहरीले उनलाई पक्राउ गरेको हो । ति महिलाले आफूलाई भक्तपुरको लोकन्थलीमा एक पुरुषले अचेत बनाई जबरजस्ती करणी गरेको भनी प्रहरी वृत्त ठिमीमा जाहेरी दरखास्त दिएकी थिइन् । 

उक्त घटनाको विषयमा अनुसन्धान गर्दा उक्त प्रकृतिको कुनै पनि घटना नभएको र उक्त पुरुषलाई फसाउने नियतले कपोलकल्पित घटना बनाई जाहेरी दरखास्त समेत दिएको भेटिएपछि पक्राउ गरिएको हो । 

पक्राउ परेकी उक्त महिलाका विषयमा छानबिन भइरहेको प्रहरीले जानकारी दिएको छ ।