विवाह हुनुपूर्व युवायुवतीले एकअर्काका बारेमा जान्न खोज्छन् । तर चिनजान भएर विवाह हुन ठिक्क भएपछि अर्कै तथ्य खुलासा हुँदा सम्बन्धमा धक्का लाग्ने गर्छ ।

यस्तै घटना यतिबेला सामाजिक सञ्जालमा भाइरल भइरहेको छ । सामाजिक सञ्जाल रेडिटमा पोस्ट भएको घटनाअनुसार एक युवकले विवाह गर्ने तयारी गरेकी युवती आफ्नै भाइकी पूर्व प्रेमिका रहेको खुलासा भएको छ ।

जन नामक युवाले रेडिटमा पोस्ट गर्दै आफ्नो व्यथा व्यक्त गरेका छन् । आफ्नै प्रेमकथाबारे समयमै जानकारी नदिएको भन्दै जन उनीसँग असन्तुष्ट छन् ।

विवाहको तयारी हुनुअघि दुवै युवायुवती अढाई वर्षदेखि परिचित छन् । ५ महिनाअगाडि नै दुवैले ‘एङ्गेजमेन्ट’ गरेका हुन् । ती युवती गर्भवती पनि छिन् । यस्तो बेला जनले नयाँ कुरा थाहा पाएपछि तनावमा परेका छन् । उनले भने, ‘अब म के गरुँ ?’

जनले यसबारेमा भाइसँग पनि कुरा गरे । तर भाइले आफूले अर्कैसँग विवाह गरिसकेकाले अब यो कुरा बाहिर नल्याउन आग्रह गरेका थिए । जनका भाइले आफ््नो घरबार बिग्रिनसक्ने चिन्ता गरेका थिए ।