पूर्वप्रधानमन्त्री एवं नेपाल समाजावादी पार्टीका अध्यक्ष डा. बाबुराम भट्टराईले आगामी निर्वाचनमा उम्मेदवारी नदिने घोषणा गरेका छन् ।

गोरखावासीलाई सम्बोधन गर्दै उनले सोमवार फेसबूकमा लेखेका छन्– 'आगामी २०७९ मंसिर ४ को प्रतिनिधिसभा निर्वाचनमा म उम्मेदवार नबन्ने यहाँहरू सबैलाई विनम्र जानकारी गराउन चाहन्छु ।'

उनले आफूलाई लगातार ३ निर्वाचनमा विजयी गराएकोमा मतदातालाई धन्यवाद समेत दिएका छन् ।

'२०६४,२०७० र २०७४ को संविधानसभा र प्रतिनिधिसभा निर्वाचनमा अत्यधिक मतले विजयी गराएर तपाईंहरूको सेवा गर्ने अवसर दिनुभएकोमा सम्पूर्ण गोरखाली बुबाआमा,दिदीबहिनी,दाज्यूभाइहरूमा अन्तःहृदयैदेखि आभार व्यक्त गर्दछु,' बाबुरामले फेसबूकमा लेखेका छन् ।

हेर्नुहोस्, स्टाटस :