कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
कात्तिक १०, २०७९
चुनावी माहोलका कारण अहिले नेता कार्याकर्तालाई भ्याइनभ्याइ छ ।
४ मंसिरमा हुने निर्वाचनको परिणाम आफ्नो पोल्टामा पार्ने ध्याउन्नका कारण अहिले सबैजसो नेता कार्यकर्ता आफ्ना चुनावी क्षेत्रमा व्यस्त छन् । एक स्थानबाट अर्काे स्थानमा जान, धेरैभन्दा धेरै ठाउँमा पुग्न तथा समय व्यवस्थापन गर्न नेताहरूले हेलिकप्टरसम्मको प्रयोग गर्ने गरेका छन् ।
चुनाव नजिकिएसँगै खर्च अधिक हुने र राज्यस्रोतको दुरुपयोग हुनसक्ने भन्दै मन्त्री तथा ठूला नेतालाई हेलिकप्टरको प्रयोग नगर्न निर्वाचन आयोगले आग्रह गरिरहेको छ । तर, ठूला नेता र मन्त्रीहरूले हेलिकप्टरको प्रयोग गर्न भने छाडेका छैनन ।
सत्तामा भएकाले नेपाली सेनादेखि निजी क्षेत्रसम्मकै हेलिकप्टर प्रयोग गरिरहेका छन् । सत्ताबाहिरका ठूला नेताले पनि आवश्यकता अनुसार राजनीतिक पहुँचमा हेलिकप्टरको प्रयोग गर्ने गरेका छन् ।
नेताहरूले विभिन्न समयमा हेलिकप्टर प्रयोग गर्ने गरेको भएपनि त्यसबापतको पैसा भने समयमा नै नतिर्ने गरेका कारण निजी क्षेत्रले हत्तपत्त हेलिकप्टर दिँदै चाहँदैनन् । नेताहरूको उधारोमा हेलिकप्टर चढ्ने बानीका कारण करीब ५० करोड रुपैयाँ विभिन्न कम्पनीलाई तिर्न बाँकी भइसकेको छ ।
हेलिकप्टर सोसाइटी अफ नेपालका अनुसार सबैजसो कम्पनीमा नेताहरूले ५/७ करोड रुपैयाँ तिर्न बाँकी राखेको छन् ।
कोभिडपछि मात्रै नेताहरूले चुनावी अभियान र विभिन्न राजनीतिक प्रयोजनका लागि उडाएको हेलिकप्टरको यस्तो रकम औसतमा ५० करोड रुपैयाँ रहेको हेलिकप्टर सोसाइटी अफ नेपालका महासचिव योगराज शर्मा कँडेलले बताए ।
उनले भने, ‘नेताहरूले विभिन्न समयमा हेलिकप्टर प्रयोग गरेबापतको रकम नतिरेका कारण पछिल्लो समय नेतालाई निजी हेलिकप्टर कम्पनीले पत्याउनै छोडेका छन् ।’
कँडेलले भने, ‘एक त पैसा नतिर्ने, तिर्न सक्नेले पनि उधारो राख्ने गर्छन् । एक घण्टाका लागि भनेर लगेको हेलिकप्टर दिनभर राखिदिने गरेका कारण पनि निजी कम्पनीले नेताहरूलाई पत्याउनै छोडेको हुन् ।’
अहिले निर्वाचन आचारसंहिताका कारण हेलिकप्टर प्रयोग गर्न कम हुने भएपनि नेतालाई व्यापारी र स्वार्थ समूहले लगानी गरिदिने गरेको छ । आफ्ना नेता र पार्टीलाई सहयोग गर्ने व्यवसायीकै कारण चुनावी आमसभा जान आउन राजनीति नेतृत्वले हेलिकप्टरको प्रयोग बेलाबोलामा गरिरहेकै छन् । चुनावी सभा धेरै हुँदा हेलिकप्टरको माग नेताहरूबाट आउने गरेको छ ।
आगामी चुनावलाई लक्षित गरेर गरिने सभा समारोहमा पनि नेताको दबाब निजी क्षेत्रलाई आउने हेलिकप्टर सोसाइटीको भनाइ छ ।
नेताहरूले हेलिकप्टर प्रयोग गरेर पैसा बाँकी राखेको भएपनि हेलिकप्टर सोसाइटीले कसले कति पैसा बाँकी राखेको छ भन्ने विवरण भने उपलब्ध गराउन चाहेन । सोसाइटीका अनुसार चुनावको मुखमा सबैलाई बराबरीको व्यवहार गर्नुपर्ने हुन्छ ।
आफ्ना अर्को दुबै पक्षले हेलिकप्टरको पैसा बाँकी राखेकाले चुनावको मुखमा व्यक्तिगतरूपमा कस्को कति भनेर विवरण दिन सकिँदैन भने हेलिकप्टर सोसाइटीलाई पनि निजी कम्पनीले विवरण नबुझाएका छैनन् ।
निर्वाचन आयोगले प्रयोग नगर्नु भनेपछि खर्च विवरणमा आफ्नो नदेखाइ नेताले चलाखीपूर्ण ढंगबाट हेलिकप्टरको प्रयोग गरिरहेका छन् ।
पछिल्लो समय नेताहरूले चढेको हेलिकप्टरको पैसा उठाउन गाह्रो हुने र एउटा नेताले हेलिकप्टर लैजाँदा दिनभरको उडान तालिका प्रभावित हुने भएकोले हेलिकप्टर उपलब्ध गराउनै छाडिएको वायुसेवा सञ्चालक संघका महासचिव तथा फिस्टेल हेलिकप्टरका प्रबन्ध निर्देशक मनोज कार्कीले बताए ।
कार्कीका अनुसार अहिले पर्यटकीय सिजन भएकाले हेलिकप्टर पर्यटकको उद्दार र दृश्यावलोकसहितको काममै व्यस्त छन् । नेताहरू जहाजमा यात्रु नै बनेर जाने गरेका छन् भने चार्टर गर्नेलाई सकेसम्म उपलब्ध नगराउने उनले बताए । नेताहरूले हेलिकप्टर प्रयोग गर्दा समय धेरै लाग्ने भएकोले हत्तपत्त जहाज कम्पनीले भाडामा दिन रहर नगर्ने बुझाइ कार्कीको छ ।
श्री एयरलाइन्सका कर्पोरेट प्रबन्धक अनिल मानन्धर पनि यो वर्ष अहिलेसम्म नेतालाई हेलिकप्टर प्रयोग गर्न नदिइएको बताउँछन् । उनका अनुसार अहिलेसम्म नेताबाट माग आएको छैन भने कसैले बुकिङ पनि गरेका छैनन् । अहिले पर्यटनको सिजन भएकाले पर्यटकीय सेवामै आफूहरू व्यस्त भएको मानन्धरले बताए ।
कैलाश हेलिकप्टरका प्रबन्ध निर्देशक प्रतापजंग पाण्डे पनि नेतालाई दिन भन्दा नियमित गतिविधिमा पर्यटकीय सेवामा नै हेलिकप्टर उडाउन रुचि राख्ने गरेको बताउँछन् । पाण्डेका अनुसार कोभिड महामारीले थलिएको पर्यटनमा २ वर्षपछि बल्ल हेलिकप्टरको माग आउन थालेको छ । अहिलको समयमा नेतालाई दिनुभन्दा अयन्त्रै उडान गर्दा कम्पनीलाई लाभ बढी हुने तर्क पाण्डेको छ ।
नेतालाई दिँदा पैसा कम आउने, समयमा गन्तव्यबाट नफर्कने र धेरै समय खर्च हुने भएकाले पनि सामान्यतया हेलिकप्टर कम्पनीले नेतालाई विश्वास गर्न छाडेको पाण्डेको भनाइ छ ।
सत्ता पक्षले नेपाली सेनाको हेलिकप्टर लिएर हिँड्ने क्रम भने रोकिएको छैन । निजी क्षेत्रले उपलब्ध गराउन नचाहेका कारण सरकारी स्रोतकै दुरूपयोग गरेर सत्तासीन नेता हिँडिरहेका देखिन्छन् ।
नेपाली सेनाका प्रवक्ता नारायण सिलवाल चुनावी माहोलका कारण हेलिकप्टर व्यस्त भइरहेको बताउँछन् । नेपाली सेनाको आन्तरिक प्रयोजन, गृह मन्त्रालयको अनुरोध, आकस्मिक उद्दारसहितको काममा हेलिकप्टर व्यस्त भइरहेको छ । नेपाली सेनासँग ४ वटा ठूला र ४ वटा साना हेलिकप्टर नियमित उडानमा छन् ।
चुनावी तयारीको समय भएकाले अहिले हेलिकप्टर जति उडानयोग्य छन् सबै व्यस्त रहेको सिलवालले बताए । सिलवालले भने, नेपाली सेनाको नियमित काम र आकस्मिक उद्दारमा खटिनेबाहेक चार्टर उडानमा पनि जाने गरिएको छ ।
हाल नेपाली सेनाका सेनासँग ८ वटा हेलिकप्टर नियमित उडानमा प्रयोग भइरहेको छ । निजी क्षेत्रका भने विभिन्न ११ कम्पनीको २९ वटा हेलिकप्टर नियमित उडानमा छन् । निजीसँग प्रत्येक कम्पनीको २ देखि ३ वटासम्म हेलिकप्टर नियमित उडानमा प्रयोग भइरहेका छन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...