कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
कात्तिक १६, २०७९
प्रदेशसभा तथा प्रतिनिधिसभाको चुनाव नजिकिएसँगै राजनीतिक दलका चुनावी गीतको बाढी आउन थालेको छ ।
युट्युबमा दलविशेष चुनावी गीतहरू धमाधम सार्वजनिक भइरहेका छन् । थुप्रै चुनावी गीतहरू सार्वजनिक भैसकेका छन् । केही चुनावी गीत सार्वजनिकको तयारीमा छन् ।
दल सम्बद्ध सांस्कृतिक विभागहरूले चुनावी प्रचारका लागि गीतसंगीत निर्माण गरिरहेका छन् । दल र उम्मेद्वार निकटका कलाकारहरूले पनि चुनावी गीत तयार गर्ने गरेका छन् ।
चुनावी गीतमा आफ्नो दल र उम्मेद्वारलाई मतदान गर्न अपिल गर्ने गरिएको छ । चुनावी गीतको मुख्य उद्देश्य नै चुनाव प्रचार–प्रसारलाई प्रभावकारी बनाउनु र मतदाता रिझाउनु रहेको सहजै बुझ्न सकिन्छ । चल्तीका लोक सर्जकहरू एकनारायण भण्डारीदेखि गायक बद्री पंगेनी, विष्णु खत्री, गायिका राधिका हमाल, पूर्णकला बिसी, स्मीता दाहालसम्म चुनावी प्रचार गीतमा छन् ।
नेकपा (माओवादी केन्द्र)निटक अखिल नेपाल जनसांस्कृतिक महासंघले ‘गठबन्धलाई नजिताई भा‘छैन’ बोलको चुनावी गीत ल्याएको छ ।
यस गीतमा गायक एवं संगीतकार चेतन सापकोटा र गायिका स्मीता दाहालको स्वर छ ।
गायक एवं संगीतकार चेतनले नै गीत लेखेका हुन् । गायिका स्मीता प्रचण्डकी नातिनी हुन् । सार्वजनिक गीतको भिडियोमा चेतन सापकोटा, सिमरन कार्की र सुस्मा कार्कीको अभिनय रहेको छ ।
नेकपा एमालेको चुनावी गीत गाएपछि आलोचना खेप्दै आएका लोकगायक बद्री पंगेनीले यसपटक भने माओवादी केन्द्रको चुनावी गीतमा पनि स्वर दिएका छन् ।
‘अघि बढ प्रचण्ड’बोलको माओवादी केन्द्रको चुनावी गीतमा गायक पंगेनी र स्मीता दाहालले स्वर दिएका हुन् । गीतको शब्द भने चर्चित गीतकार एकनारायण भण्डारीले लेखेका हुन् ।
मौसम हिमालीको निर्देशनमा तयार ‘अघि बढ प्रचण्ड’ गीतको भिडियोमा करिश्मा ढकाल, लोमश शर्मा र चेतन गोतामेले अभिनय गरेका छन् । नवराज उप्रेतीको छायांकन रहेको भिडियो उनकै सम्पादनपछि ‘चेतन गोतामे’ युट्युब च्यानलमा सार्वजनिक भएको हो ।
माओवादीको अर्को चुनावी गीत ‘मेरो आमाको भोट माओवादीलाई’ पनि युट्युबमा सार्वजनिक भएको छ । सन्तोष देउजाको शब्द, खेम सेञ्चुरीको संगीत रहेको यस गीतमा विष्णु खत्री र टिका पुनले स्वर दिएका छन् । मौसम हिमालीकै निर्देशनमा तयार भिडियोमा सरोज प्रजा र समारिका ढकाल लगायतको अभिनय छ । नवराज उप्रेतीको छायांकन रहेको भिडियोलाई मनोज कार्कीले सम्पादन गरेका हुन् ।
नेपाली कांग्रेस निकट नेपाल सांस्कृतिक संघले पनि चुनावी गीत सार्वजनिक गरिसकेको छ । राधिका हमाल, शशिविक्रम थापा, स्मृती शाही, गोविन्द मधुर आचार्यको स्वरमा केही साताअघि नै ‘मंसिर ४’ बोलको चुनावी गीत सार्वजनिक भएको हो । लोकराज अधिकारीको शब्द रहेको गीतमा गोविन्द मधुर आचार्यले संगीत भरेका छन् ।
तीर्थबहादुर थापाको निर्देशनमा तयार भिडियोमा विक्रान्त बस्नेत, शिवहरी बैरागी, राधिका हमाल, स्वस्तिका लामिछाने, विष्णु रोक्का लगायतका कलाकारहरू प्रस्तुत छन् । गीतमा नेपाली कांग्रेसलाई मतदान गर्न अपिल गरिएको छ । नेपाली कांग्रेसका अन्य केही गीतहरु समेत युट्युबमा भेटिन्छन् ।
नेकपा एमालेलाई मतदान गर्न अपिल गर्दै केही चुनावी गीतहरू सार्वजनिक भैसकेका छन् । बैकुण्ठ महत र पूर्णकला बिसीको स्वरमा केही दिनअघि ‘यसपालि हाम्रो भोट सूर्यमा’ बोलको गीत सार्वजनिक भइसकेको छ । बैकुण्ठ स्वयंको शब्द, संगीत रहेको यस गीतको भिडियोलाई लोकेन्द्र शाहले निर्देशन गरेका हुन् ।
यस्तै बैकुण्ठ महत, अमृत खाती, बिन्दु परियार र सुनिता सुनेलको स्वरमा चार दिनअघि मात्रै ‘सूर्य चिह्नमा भोट हाल्न जाऔं’बोलको नेकपा एमालेको चुनावी गीत सार्वजनिक भएको छ । बैकुण्ठले कोरेका शब्दमा अमृत खातीले संगीत भरेका हुन् ।
बद्री पंगेनी र विन्दु परियारको स्वरमा ‘गुन तिरौला सूर्यमा भोट हाली’ बोलको एमालेको चुनावी गीत सोमबारमात्रै युट्युबमा सार्वजनिक भएको छ । एकनारायण भण्डारीको शब्द एवं संगीत रहेको यस गीतको भिडियो मौसम हिमालीको निर्देशनमा तयार भएको हो । नरेशवीर सिंह, ऋचा थापा, अनिशा भण्डारी, विनोद भण्डारी भिडियोमा प्रस्तुत छन् ।
यी तीनवटै गीत गायक बैकुण्ठ भण्डारीको अफिसियल यु्ट्युब च्यानलमार्फत सार्वजनिक भएका हुन् । उनको युटयुब च्यानलमार्फत एमालेका उपाध्यक्ष विष्णु पौडेलको ‘रुपन्देही जिल्ला लाल किल्ला’ र सचिव गोकर्ण विष्टको ‘सम्मान गरौं गोकर्ण विष्टलाई’ शीर्षकको चुनावी गीत पनि सार्वजनिक भएको छ ।
विष्णु पौडेल रुपन्देही –२ बाट चुनावी मैदानमा छन् भने गोकर्ण गुल्मी– २ बाट उम्मेद्वार बनेका छन् ।
यस्तै, एमाले उपमहासचिव प्रदीप ज्ञवालीको चुनावी गीत पनि सार्वजनिक भएको छ ।
उनको ‘घामै प्यारो छ’बोलको चुनावी गीतमा पवन परियारले स्वर दिएका छन् । प्रदीप गुल्मी क्षेत्र नं. १ बाट चुनावी मैदानमा छन् ।
नेकपा एमालेका केन्द्रीय सदस्य गोकुल बास्कोटाको पनि चुनावी गीत सार्वजनिक भएको छ । काभ्रे क्षेत्र नमबर(२ बाट प्रतिनिधिसभा सदस्य उम्मेद्वार रहेका बास्कोटाको ‘हाम्रा नेता गोकुल बास्कोटा’ बालेको चुनावी गीत सार्वजनिक भएको हो ।
यता, एमाले केन्द्रीय सदस्य कोमल वलीले आफ्नो चुनावी गीत सार्वजनिक गरिसकेकी छिन् । उनले आफ्नै युट्युब च्यानलमार्फत सार्वजनिक गरेको गीतमा विपिन आचार्यको शब्द, संगीत र माण्डवी त्रिपाठीको स्वर छ । कोमल दाङ क्षेत्र नं. ३ बाट चुनावी प्रतिस्पर्धामा छिन् ।
यस्तै, नेकपा एमाले सचिव पद्मा अर्यालको समर्थनमा गायक बद्री पंगेनी, पूर्णकला बिसीले चुनावी गीत गाएका छन् । पद्मा स्याङजा क्षेत्र नंं. २ बाट चुनावी मैदानमा छिन् ।
नेपाली कांग्रेसका महामन्त्री गगन थापाको चुनावी गीत पनि सार्वजनिक भएको छ । केही दिनअघि उमेश राउतको शब्द र संगीतमा तयार ‘हाई–हाई गगन दाइ’ गीत सार्वजनिक भएको हो ।
उमेश राउत, लेखु सहयात्री, विशम आचार्य, सोनु निरौला र अमुना चौधरीको स्वर रहेको गीतमा गगनलाई युवा र भविष्यको भरोसा तथा आशाको किरण भनिएको छ । गगन काठमाडौं– ४ बाट चुनावी प्रतिस्पर्धामा छन् ।
थुप्रै उम्मेद्वारको व्यक्तिगत चुनावी गीतहरू युट्युबमा भेट्न सकिन्छ । राष्ट्रिय स्वतन्त्र पार्टीले पनि चुनावी गीत सार्वजनिक गरेको छ ।
श्रीकान्त राना क्षेत्रीको शब्द, संगीत र स्वरमा ‘बज्यो घण्टी’बोलको चुनावी गीत सार्वजनिक भएको हो । यता, लौरो अभियानको पनि चुनावी गीत सार्वजनिक भएको छ ।
युट्युबमा चुनावलाई केन्द्रित गरेर अन्य कयौं गीत आइसकेका छन् । मंसिर– ४ को चुनावलाई लक्षित गर्दै सार्वजनिक भएकामध्ये चर्चा भने कुनै गीतले पनि पाएका छैनन् । अधिकांश गीतको भ्युज निकै कम देखिन्छ ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...