कात्तिक १८, २०८०
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
कात्तिक २८, २०७९
सुनसरी क्षेत्र नम्बर ३ को चुनावी माहोल दिन प्रतिदिन रोचक बन्दै गइरहेको छ । ६ पटक चुनाव जितेका विजयकुमार गच्छदार र दुईपटक चुनावमा पराजय भोगेकी भगवती चौधरी चुनावी दौडमा छन् ।
उनीहरूको यो तेस्रो प्रतिस्पर्धा हो । लगातार ३१ वर्षसम्म चुनाव जिते पनि गच्छदारले केही नगरेको आरोप लगाउँदै भगवती आक्रामक चुनावी प्रचारमा छिन् ।
‘३१ वर्षसम्म यो क्षेत्रमा चुनाव जितेर गएकाहरूले केही नगरेकाले यो सुनसरी– ३ को विकास गर्नका लागि मतदाताले यसपटक मलाई चुन्नुहुन्छ,’ भगवतीले भन्ने गरेकी छन् ।
उनले चुनावी कोणसभामा गच्छदारको आलोचनामा आधा समय खर्चिने गरेकी छिन् ।
गच्छदारलाई १० वर्षदेखि चुनावी टक्कर दिएकी भगवतीले सुनसरीको ३ नम्बर क्षेत्रबाट महिला सशक्तीकरण र ग्रामीण अर्थतन्त्र सुदृढ बनाउने काममा लाग्ने भन्दै भोट मागिरहेकी छिन् ।
गच्छदारले ३१ वर्षसम्म गर्न नसकेको काम ५ वर्षमा गर्ने उनको दाबी छ ।
गच्छदारको प्रभाव कमजोर बन्दै गएकाले आफूलाई चुनाव जित्न गाह्रो नहुने दाबी उनले गरिन् । ‘अहिले उहाँको पावर कमजोर भएको छ,’ उनले भनिन्, ‘पहिलाको चुनावभन्दा अहिले फरक छ ।’
२०७४ मा गच्छदारले धाँधली गरेर जितेको उनको आरोप छ । चौधरीले पुनः मतगणनाको माग गर्दै सर्वाेच्च अदालतमा रिट दायर गरेकी थिइन् । उनको मुद्दा टुंगो नलागी प्रतिनिधिसभाको कार्यकाल सकियो ।
अदालतले न्याय नदिएको गुनासो उनको छ । ‘अब जनताको न्यायालयले मलाई न्याय दिनेछ भन्नेमा ढुक्क छु,’ उनले भनिन्, ‘अदालतबाट न्याय पाउन सकिनँ । मतदाताले मलाई न्याय गर्छन् ।’
चौधरी र गच्छदारको पहिलो चुनावी भेट २०७० को दोस्रो संविधान सभा निर्वाचनमा भएको थियो । त्यतिबेला गच्छदार मधेशी जनअधिकार फोरम लोकतन्त्रिकबाट उम्मेदवार बनेका थिए ।
चौधरी भने नेकपा एमालेबाट नै उम्मेदवार बनेकी थिइन् । चौधरीले १७ हजार १६२ मत ल्याउँदा गच्छदार १७ हजार ५२४ मत ल्याएर विजयी बनेका थिए । मतान्तर ३६२ रहेको थियो ।
२०७४ को प्रतिनिधि सभा निर्वाचनमा गच्छदार ३८ हजार ९७२ मत ल्याएर विजयी हुँदा चौधरीले ३८ हजार ६५१ मत ल्याएकी थिइन् । मतान्तर ३२१ मात्र थियो ।
२०७४ को निर्वाचनमा चौधरीलाई माओवादीको समेत मत थपिएको थियो । गच्छदार भने आफ्नो पुरानो पार्टी कांग्रेसमा फर्किएर चुनाव जित्न सफल भएका थिए ।
यस्तो छ स्थानीय तहको मत
सुनसरीको ३ नम्बर क्षेत्रमा इटहरी उपमहानगरपालिकाको वडा नं. ६, ७, ८, ९, १०, ११, १२, १३, १४, १५, इनरुवा नगरपालिकाको वडा नं. ७, गढी गाउँपालिका, दुहबी नगरपालिका र बर्जु गाउँपालिका पर्छन् ।
गत वैशाखमा भएको स्थानीय तह निर्वाचनमा वडाध्यक्षहरूले पाएको मतका आधारमा यहाँ नेकपा एमालेको मत धेरै छ । एमालेले ३५ हजार ५३ मत पाउँदा कांग्रेसले ३३ हजार ५७१ मत ल्याएको छ ।
यस्तै एमालेलाई सघाएको जसपाको ५ हजार ५१६, सत्ता गठबन्धनमा रहेको माओवादी केन्द्रको ३ हजार ८ सय, राप्रपाको ३ हजार ३३१ र नेकपा एसको ६२६ मत रहेको छ ।
सत्ता गठबन्धनको पक्षमा ३७ हजार ९९४ मत देखिन्छ भने विपक्षी गठबन्धन एमाले र जसपाको मत ४० हजार ५६९ रहेको छ ।
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...