भियतनामको राजधानी हनोईमा बनेको होटल पूर्णतया सुनले बनेको कारण चर्चामा छ ।

यस होटलमा बनाइएको शौचालय पनि सुनको नै छ । 

होटलको बाथटब, बत्ती र पर्खाल पनि सुनको नै बनाइएको छ । 

होटलमा रुम बुकिङ करीब ९ हजार रुपैयाँबाट शुरू हुने बताइएको छ । 

डोल्स नामक यो होटल भियतनामको राजधानी हनोईको उत्तरमा अवस्थित छ।

यस पाँचतारे होटलबाट सम्पूर्ण शहरको मनोरम दृश्य देख्न सकिन्छ।   यस होटलमा रेष्टुरेन्ट, फिटनेस सेन्टर, बार, लाउन्ज र बिजनेस सेन्टर जस्ता अत्याधुनिक सुविधा रहेको डेलीस्टारको रिपोर्टमा उल्लेख छ । 

यसबाहेक २४ सै घण्टा मुद्रा परिवर्तनको सुविधा र रुम सर्भिसको सुविधा पनि उपलब्ध छ ।

होटलको कोठाभित्र सुनको बाथटब, सुनको सिङ्क, सुनको शौचालय र ऐनामा सुनको फ्रेमिङ छ । यस होटलका कर्मचारीहरूले अंग्रेजी सहित ६ भाषाहरू बोल्ने रिपोर्टमा बताइएको छ ।