त्रिभुवन विश्वविद्यालयको क्रिकेट मैदानमा सम्पन्न तीन खेलको एकदिवसीय अन्तराष्ट्रिय क्रिकेट सिरिजको उपाधि नेपालले जितेको छ ।

घरेलु टोली नेपालले आज सम्पन्न अन्तिम तथा तेस्रो ओडिआईमा भ्रमण टोली युएईलाई ६ विकेटले हराउँदै नेपालले सिरिज २–१ ले जितेको हो । युएईले दिएको 

१७७ रनको विजयी लक्ष्य नेपालले ४०‍‍‍‍‍.१ ओभरमा ४ विकेटको क्षतिमा पूरा गरेको हो  

नेपालको जितमा आसिफ शेख ८८ रनमा अविजित रहे । ज्ञानेन्द्र मल्ल ६४, रोहित पौडेल १० र अर्जुन साउनले ९ रन बनाए भने दीपेन्द्र सिंह ऐरी शून्य रनमा पोबेलियन फर्किए ।  

त्यसअघि टस हारेर ब्याटिङको निम्तो पाएको युएईले निर्धारित ५० ओभरमा ९ विकेट गुमाउँदै १७६ रन बनाएको थियो। यूएईका लागि आयान अफजल खानले ५४, मोहम्मद अलिसान शराफुले ३३, रोहन मुस्ताफाले २४ र हजरत बिलालले २० रन जोडे ।

९३ रनमा ९ विकेट गुमाएको यूएईका लागि अफजल र बिलालले ८३ रनको साझेदारी गर्दै मध्यम योगफल निकालेका थिए ।