प्रतिनिधिसभाको समानुपातिकतर्फ जारी मतगणनामा सबै भन्दा कम मत नेश्नलिष्ट पिपल्स पार्टीले पाएको छ । निर्वाचन आयोगले सार्वजनिक गरेको पछिल्लो मत परिणामअनुसार सो पार्टीले जम्मा १०३० मत पाएको छ । 
यस्तै राष्ट्रिय नागरिक पार्टीे ११२७, नेपाल कम्युनिस्ट पार्टी परिवर्तन १२०४, नेपाल समावेशी पार्टी १५७८ र नेकपा माओवादी समाजवादी १६९७ मत ल्याएर क्रमशः पुछारबाट दोस्रो, तेस्रो, चौथो र पाँचौ स्थानमा रहेका छन् । 

यस्तै पुछारबाट छैटौँ स्थानमा विवेकशील साझा पार्टी, सातौँमा राष्ट्रिय मुक्ति आन्दोलन, आठौँमा संयुक्त लोकतान्त्रिक राष्ट्रिय मञ्च, नवौँमा पीछडावर्ग निषाद दलित जनजाति पार्टी र दशौँमा नराई मधेस लोकतान्त्रिक पार्टी रहेको आयोगको तथ्यांकमा उल्लेख छ । 
हालसम्म सर्वाधिक मत भने एमालेले १७ लाख बढी पाएको छ ।