प्रदेश नम्बर १ मा नेकपा एमाले सबैभन्दा ठूलो पार्टी बन्ने निश्चित देखिएको छ । सत्ता गठबन्धनको बाबजुद नेकपा एमालेले प्रदेश नम्बर १ को प्रदेशसभामा राम्रो नतिजा ल्याएको हो । प्रत्यक्षतर्फ कुल ५६ सिटमा भएको निर्वाचनमा हालसम्म ३५ स्थानको नतिजा आएको छ । बाँकी एक प्रदेशसभा क्षेत्रबाहेक सबैमा मतगणना जारी छ । 

जसअनुसार एमालेले १७ सिटमा जित र ८ मा अग्रता बनाएको छ । यस्तै कांग्रेसले १० सिटमा जित र ६ मा अग्रता बनाएको छ भने माओवादी केन्द्रले ६ मा जित र ३ मा अग्रता बनाएको छ । यस्तै राप्रपाले २ सिट जित्दा नेकपा एकीकृत समाजवादीको ३ स्थानमा अग्रता रहेको छ।  

प्रदेश १ को प्रदेशसभातर्फको जारी मतगणनामा समानुपातिकमा पनि एमालेकै अग्रता रहेको छ ।