कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
मंसिर ११, २०७९
प्रतिनिधिसभा/प्रदेशसभा निर्वाचनको प्रत्यक्षतर्फको मतपरिणाम आएसँगै लुम्बिनी प्रदेशमा भावी सरकारको चर्चा शुरू भएको छ ।
ठूला राजनीतिक दलबाट भावी मुख्यमन्त्रीको ‘रेस’ मा रहेका नेताहरू निर्वाचनमा पराजित भएसँगै नेतृत्व कुन दलका नेताले गर्लान् भन्ने कौतुहलता छ ।
पहाडी ६ र तराईका ६ जिल्ला मिलेर बनेको लुम्बिनी प्रदेशले नयाँ मुख्यमन्त्री पाउनेछ । नेकपा एमालेबाट मुख्यमन्त्रीका दाबेदारमध्येका एक घनश्याम पाण्डे दाङ– ३ (१) बाट पराजित भएका छन् ।
कांग्रेसका निवर्तमान प्रदेशसभा संसदीय दलका नेता वीरेन्द्र कनोडिया कपिलवस्तु–३ (२) र अर्का दाबेदार प्रदेशसभा सभापति अम्मरसिंह पुन रोल्पाबाट पराजित भए ।
माओवादी केन्द्रका प्रदेश अध्यक्ष सुदर्शन बराल गुल्मी– १ (१) बाट पराजित भए । लुम्बिनी प्रदेशसभामा ५२ प्रत्यक्ष र ३५ समानुपातिक गरी ८७ सदस्य प्रदेशसभा रहेको छ ।
एमालेबाट प्रदेश सरकारका निवर्तमान मन्त्री तथा प्रदेश अध्यक्ष लीला गिरी, केन्द्रीय सदस्य तथा पूर्व संसदीय दलका प्रमुख सचेतक भूमिश्वर ढकाल निर्वाचित भएका छन् । चुनाव जितेपछि उनीहरूले दौडधूप बढाएका छन् । गिरी रूपन्देही– २ (१) र ढकाल रूपन्देही–५ (१) बाट निर्वाचित भएका छन् ।
कांग्रेसबाट केन्द्रीय सदस्य तथा पूर्व खानेपानी राज्यमन्त्री अब्दुल रज्जाक र डिल्लीबहादुर चौधरी मुख्यमन्त्रीका आकांक्षी हुन् । पार्टीको संस्थापन खेमाका नेता रञ्जाक रूपन्देही–१ (२) बाट र चौधरी दाङ–३ (१) बाट निर्वाचित भएका छन् ।
त्यस्तै दाङ २ (१) बाट निर्वाचित राजु खनाल पनि मुख्यमन्त्रीका आकांक्षी रहेको बताइएको छ । त्यस्तै बराल पराजित भएसँगै माओवादीबाट रोल्पा १ (१) बाट निर्वाचित जोखबहादुर महराले मुख्यमन्त्री बन्ने इच्छा देखाएका छन् । महरा माओवादी केन्द्रका अध्यक्ष पुष्पकमल दाहालका स्वकीय सचिव थिए ।
प्रदेशसभामा प्रत्यक्षतर्फ ५२ सीटमध्ये कुन जिल्लाबाट कसले जीत ?
लुम्बिनी प्रदेशसभामा दलको संख्या योपटक बढेको छ ।
यसअघि पाँच दल रहेको प्रदेशसभामा अहिले प्रत्यक्षतर्फ ७ वटा पार्टीले निर्वाचन जीतको छन् । एमाले, कांग्रेस, माओवादी केन्द्र, राप्रपा, जसपा, लोसपा, नागरिक उन्मुक्ति र स्वतन्त्र सांसद प्रदेशसभामा रहनेछन् ।
रूपन्देहीबाट एमालेले ४, कांग्रेसले २, लोकतान्त्रिक समाजवादी पार्टी (लोसपा)ले २, राष्ट्रिय प्रजातन्त्र पार्टी (राप्रपा)ले १ र जनमत पार्टीले १ सीट जितेका छन् ।
त्यस्तैगरी गुल्मीमा एमालेले ३ र कांग्रेसले १ सीटमा जीत निकालेको छ । पाल्पामा एमाले २, कांग्रेस १ र माओवादी १ क्षेत्रमा विजयी भएका छन् ।
अर्घाखाँचीमा एमाले २, कपिलवस्तुमा एमाले ४, राप्रपा १ र कांग्रेसले १ क्षेत्र जितेका छन् । रूकुमपूर्वमा कांग्रेस १ र स्वतन्त्रले १ सीट जीतको छन् ।
रोल्पामा माओवादी र स्वतन्त्रले १/१ क्षेत्रमा जीत निकाल्दा प्युठानमा एमाले र कांग्रेसले १/१ क्षेत्र जितेका छन् । त्यस्तैगरी दाङमा माओवादीले २ र कांग्रेसले ४ क्षेत्रमा जितेका छन् ।
बाँकेमा एमालेले २, जनता समाजवादी पार्टीले २ र कांग्रेस तथा माओवादीले १/१ सीट जितेका छन् ।
बर्दियामा कांग्रेस र नागरिक उन्मुक्ति पार्टीले २/२ क्षेत्र जितेका छन् । पश्चिम नवलपरासीमा नवलपरासी कांग्रेसले ३ र स्वतन्त्रले १ क्षेत्र जितेका छन् ।
प्रत्यक्षतर्फ कुन दलको कति सीट ?
लुम्बिनी प्रदेशसभामा प्रत्यक्षतर्फ ठूलो दल एमाले बनेको छ । एमालेले लुम्बिनी प्रदेशसभामा प्रत्यक्षतर्फ १८ क्षेत्रमा जीत निकालेको छ ।
यस्तै कांग्रेसले १७, माओवादी केन्द्रले ५, राप्रपाले २, जसपाले २, लोसपाले २, नागरिक उन्मुक्ति पार्टीले २, जनमत पार्टीले १ र स्वतन्त्र ३ जनाले जितेका छन् । नेकपा एकीकृत समाजवादी एक सीट पनि जित्न सकेन ।
फेरि मिलिजुली सरकार
२०७४ मा को प्रदेशसभा निर्वाचनमा तालमेल गरेर चुनाव लडेका एमाले र माओवादीले दुईतिहाइ नजिकको सरकार बनाएका थिए ।
यसपालि सत्तारुढ गठबन्धन कांग्रेस र माओवादीले सोचेजस्तो परिणाम नआउँदा प्रदेश सरकार गठन सकसपूर्ण देखिएको छ ।
लुम्बिनीमा प्रत्यक्षतर्फको मत परिणामले दलहरूबीच ध्रुवीकरण हुने देखिन्छ । यसअघि शंकर पोखरेल नेतृत्वको तत्कालीन नेकपाले साढे ३ वर्ष सरकार चलायो । नेकपा विभाजनपछि माओवादीको नेतृत्वमा डेढ वर्ष सरकार चल्यो ।
अब फेरि कांग्रेस र माओवादीबीच तालमेल गरेर अन्य साना दललाई पनि मिलाएर सरकार बनाए कांग्रेसले सरकारको नेतृत्व पाउने सम्भावना बलियो छ ।
लुम्बिनीमा बहुमतका लागि ४४ सांसद आवश्यक पर्छ । मतपरिणामले कुनै एक दलको बहुमत पुग्ने देखिँदैन ।
एमाले र कांग्रेसमध्ये जसको लीड उसैको नेतृत्वमा सरकार
जनता समाजवादी पार्टीका नेता तथा राजनीतिक क्षेत्रका विश्लेषक मनिकर कार्कीले कांग्रेस र एमालेमध्ये जसले माओवादीसहित अन्य साना दलको विश्वास जित्न सक्छ, उसैको नेतृत्वमा सरकार बन्ने देख्छन् ।
‘घण्टीले अहिले असन्तुष्ट र आवेशात्मक भोट पायो । ठूला दलका सीट घटे । अब लुम्बिनीमा माओवादीदेखि राप्रपासम्मलाई मिलाएर एमाले र कांग्रेसमध्ये एउटाले सरकार बनाउने देखिन्छ । यो चुनावी परिणामले स्थिरता हैन, अस्थिरता निम्त्याउने जोखिम छ ।’
एमाले रूपन्देहीका नेता तेजेन्द्र केसी भने लुम्बिनीको मुख्यमन्त्री रूपन्देहीले पाउने सम्भावना बढी देख्छन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...