विश्वकप अन्तरगत सोमबारको खेलमा दक्षिण कोरिया  घानासँग पराजित भएको छ । कतारस्थित एजुकेशन सिटी रंगशालामा भएको खेलमा दक्षिण कोरिया घानासँग ३–२ गोल अन्तरले पराजित भएको हो । 

 पहिलो हाफमा घानाले २–० को अग्रता बनाएको थियो ।  खेलको २४ औं मिनेटमा मोहम्मद सालिसुले गोल गर्दै घानालाई सुरुआती अग्रता दिलाएका थिए । यस्तै खेलको ३४ औं मिनेटमा घानाका लागि मोहम्मद कुडुसले गोल गरेर दोब्बरको अग्रता बनाए ।

 तर, खोलको ५८ औं र ६१ औं मिनेटमा चो सुङले गोल गरेर दक्षिण कोरिया खेलमा फर्किएपनि घानाबाट ६८ औं मिनेटमा अर्को गोल भयो । मोहम्मद कुडुसले घानाका लागि ६८ औं मिनेटमा गरेको खोल नै निर्णायक बन्न पुग्यो ।