मधेश प्रदेशको प्रदेशसभा तर्फको समानुपातिक मतगणनामा नेकपा माओवादी केन्द्र पाँचौं स्थानमा देखिएको छ ।

हालसम्म १८ लाख १३ हजार ७०९ मतगणना हुँदा माओवादीले १ लाख ६३ हजार ३३५ मतसहित पाँचौं स्थान कायम गरेको छ ।

मधेशमा माओवादीभन्दा अगाडि जनमत पार्टी र जनता समाजवादी पार्टी (जसपा) नेपाल रहेका छन् । मधेशमा समानुपातिकतर्फ पहिलो स्थानमा रहेको नेपाली कांग्रेसले ३ लाख ५५ हजार ५६२ मत पाएको छ ।

दोस्रो स्थानमा रहेको नेकपा एमालेले ३ लाख १७ हजार ८७४ मत पाएको छ भने तेस्रो स्थानको जनमत पार्टीले २ लाख ५८ हजार ३९२ मत पाएको छ ।

चौथो स्थानमा रहेको जनता समाजवादी पार्टीले २ लाख ५७ हजार ६९६ मत पाएको छ । नेकपा एकीकृत समाजवादीले ९८ हजार २५० मत पाएको छ भने लोकतान्त्रिक समाजवादी पार्टीले ९५ हजार ७९४ मत पाएको छ । राष्ट्रिय प्रजातन्त्र पार्टीले ६० हजार ७२१ मत पाएको छ ।