मधेशकेन्द्रित राजनीतिमा स्थापित नेताहरू सम्मिलित लोकतान्त्रिक समाजवादी पार्टी (लोसपा) नेपाल मधेश प्रदेशको समानुपातिक मतगणनामै पछाडि परेको छ ।

प्रदेशसभा तर्फको समानुपातिक मतगणनामा लोसपा सातौं स्थानमा देखिएको छ । लोसपाभन्दा बढी मत नेकपा एकीकृत समाजवादीले ल्याएको छ ।

हालसम्म १८ लाख १३ हजार ७०९ मतगणना हुँदा लोकतान्त्रिक समाजवादी पार्टीले ९५ हजार ७९४ मत पाएको छ ।

मधेशमा समानुपातिकतर्फ पहिलो स्थानमा रहेको नेपाली कांग्रेसले ३ लाख ५५ हजार ५६२ मत पाएको छ । दोस्रो स्थानमा रहेको नेकपा एमालेले ३ लाख १७ हजार ८७४ मत पाएको छ भने तेस्रो स्थानको जनमत पार्टीले २ लाख ५८ हजार ३९२ मत पाएको छ ।

चौथो स्थानमा रहेको जनता समाजवादी पार्टीले २ लाख ५७ हजार ६९६ मत पाएको छ भने माओवादी १ लाख ६३ हजार ३३५ मतसहित पाँचौं स्थानमा छ ।

नेकपा एकीकृत समाजवादीले ९८ हजार २५० मत पाएको छ भने राष्ट्रिय प्रजातन्त्र पार्टीले ६० हजार ७२१ मत पाएको छ ।