सुनसरीको ४ नम्बर प्रतिनिधिसभा निर्वाचन क्षेत्रमा जारी मतगणनामा नेपाली कांग्रेसका उम्मेदवार सञ्चार तथा सूचना प्रविधिमन्त्री ज्ञानेन्द्रबहादुर कार्कीले ३२२ मतले अग्रता लिएका छन् ।

मन्त्री कार्कीले २५ हजार ९४४ मत पाउँदा निकटतम प्रतिस्पर्धी नेकपा एमालेका जगदिशप्रसाद कुसियैतले २५ हजार ६२२ मत पाएका छन् ।

राष्ट्रिय स्वतन्त्र पार्टीका जीवनकुमार श्रेष्ठले २ हजार ८९७ मत पाएका छन् भने राष्ट्रिय प्रजातन्त्र पार्टीका विद्यानन्द यादवले २ हजार ४३३ मत पाएका छन् ।

सुनसरी ४ मा मतगणनामा विवाद हुँदा रोकिए पनि मंगलवार साँझले मतगणना पुनः थालिएको थियो । पछिल्लो मतगणनामा मन्त्री कार्कीले अग्रता कायमै राखेका छन् ।