×

X
Nic Asia
Dabur
Prabhu Bank

प्रतिनिधिसभा निर्वाचन २०७९

अबको राष्ट्रपति, प्रधानमन्त्री र सभामुख को ? भागबण्डा मिलाउन गठबन्धनमा उकुसमुकुस

काठमाडाैं | मंसिर १४, २०७९

NTC
Argakhanchi Cement
Premier Steels
TVS INSIDE

प्रदेश तथा प्रतिनिधि सभा निर्वाचनको मतगणना लगभग सकिएको छ । मतगणना स्थगित भएका ३ वटा निर्वाचन क्षेत्रबाहेक प्रत्यक्षतर्फ अब एउटा मात्रै क्षेत्रको नतिजा आउन बाँकी छ । समानुपातिकतर्फ पनि १ करोडभन्दा बढी मत गणना भइसकेको छ ।

yONNEX
LAxmi BAnk
nabil BANK inside

स्थगित भएका स्याङ्जा–२, बाजुरा र दोलखाको पनि मतपरिणाम आएपछि निर्वाचन आयोगले अन्तिम मतपरिणाम राष्ट्रपति विद्यादेवी भण्डारीलाई बुझाउने छ । अन्तिम मतपरिणाम सार्वजनिक भएको ३० दिनभित्र नयाँ सरकार गठन गर्नुपर्ने संवैधानिक व्यवस्था छ । 


Advertisment
NMB BANK
RMC TANSEN
NIC ISLAND BOX

तर, अन्तिम मतपरिणामको समय नजिकिदैं गर्दा अबको सरकार कसको र कस्तो बन्ने वा बनाउने भन्नेमा राजनीतिक दलहरू अस्पष्ट छन् । निर्वाचनबाट कुनै पनि दलले बहुमत ल्याउन सकेका छैनन् । कांग्रेस र एमालेबाहेक दुई वटा मात्रै दल मिलेर सरकार बनाउन सक्ने अवस्था पनि छैन । सरकार बनाउनको लागि धेरैवटा साना दललाई समेट्नुपर्ने अवस्था छ । 

सत्तारूढ गठबन्धनमा रहेर चुनावमा गएका दलहरूमध्ये नेकपा (एकीकृत समाजवादी) सत्तारूढ गठबन्धनलाई निरन्तरता दिएर सरकार बनाउनुपर्ने पक्षमा उभिएको छ । उसले मंगलवार सचिवालयको बैठक राखेर चुनावको प्रारम्भिक समीक्षा गर्दै चुनावी गठबन्धनकै सरकार बनाउन पहल गर्ने निर्णय गरेको छ । गठबन्धनमा रहेका दलहरूले संघीय सरकार र प्रदेश सरकारमा रहेन पदहरू प्याकेजमै छलफल गरेर टुङ्गो लगाउनुपर्ने पक्षमा छन् । 


Advertisment
Saurya island

दलहरूको शक्ति र सामथ्र्यको आधारमा महत्वपूर्ण राजनीतिक पदहरू बाँडफाँट गरेर गठबन्धनलाई नै निरन्तरता दिनुपर्ने पक्षमा सचिवालयमा छलफल भएको एकीकृत समाजवादीका प्रवक्ता जगन्नाथ खतिवडाले बताए ।

तर, सरकार नै कसरी बनाउने भन्ने टुंगो नलागिसकेका कारण राजनीतिक पद बाँडफाँटको विषयमा शीर्ष नेताहरूले अहिल्यै मुख नखोलिसकेको नेकपा माओवादी केन्द्रका नेताहरू बताउँछन् । 

Vianet communication
IME BANK INNEWS

नेपाली कांग्रेसका सभापति एवं प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’ र एकीकृत समाजवादीका अध्यक्ष माधव नेपालले चाँडै गठबन्धनको बैठक बोलाउने र त्यसमा चुनावी समीक्षा गरेर आगामी कोर्सको बारेमा छलफल गर्ने सहमति गरेका छन् । तर, गठबन्धनको बैठक बस्ने मितिबारे अहिल्यै यकिन नभइसकेको उनीहरू निकट नेताले बताएका छन् । गठबन्धनको बैठक बस्नुअघि दलहरूले आन्तरिक रणनीति बनाउने बारेमा छलफल गरिरहेका छन् ।

दलहरूले मिलिजुली सरकार बनाउनुपर्ने भएकाले सरकार बनाउनुअघि राजनीतिक पदको भागबण्डा पेचिलो बन्ने देखिन्छ । राष्ट्रपति, उपराष्ट्रपति, प्रधानमन्त्री, सभामुख, उपसभामुख र प्रदेश प्रमुख र मुख्यमन्त्रीहरूको बाँडफाँट गरेपछि मात्रै संघीय सरकार बन्ने मेलोमेसो आउने नेताहरू बताउँछन् । त्यसका लागि कुन–कुन दल मिलेर सरकार बनाउने भन्ने यकिन हुन आवश्यक छ ।

सत्तारूढ गठबन्धनकै सरकार बन्ने अवस्थामा प्रधानमन्त्री पदमा कांग्रेस र माओवादी केन्द्रको दाबी रहने देखिन्छ । तर, माओवादी केन्द्रका कतिपय नेताहरू भने चुनावअघि नै चुनावपछिको प्रधानमन्त्री माओवादी केन्द्रका अध्यक्ष प्रचण्डलाई दिनेबारे भद्र सहमति भएको दाबी गर्छन् । 

चुनावी प्रचारको क्रममा प्रचण्डले पनि प्रधानमन्त्रीको दाबी गरेका थिए । भलै, चुनावी नतिजापछि भने उनले सरकार गठन र प्रमुख राजकीय पदको बाँडफाँटबारे आफ्नो धारणा सार्वजनिक गरेका छैनन् । 

कांग्रेसभित्र प्रधानमन्त्रीको लागि ६ जनाको हानाथाप परिरहेको छ । सभापति शेरबहादुर देउवा आफैँ फेरि पनि प्रधानमन्त्री बन्नका लागि प्रयासरत रहेको कांग्रेसका नेताहरू बताउँछन् । निर्वाचनमा माओवादी केन्द्रको नतिजा असाध्यै कमजोर आएकाले प्रचण्डलाई प्रधानमन्त्री दिन नसकिने कांग्रेसको संस्थापन इतर खेमाको तर्क आउन थालेको छ । 

अर्कोतर्फ, कांग्रेसभित्र माओवादी केन्द्रलाई राष्ट्रपति पद पनि दिन नहुने बारेमा छलफल शुरू भएको छ । राष्ट्रपतिमा अन्तर्राष्ट्रिय समुदायको पनि चासो रहने भएकाले कम्युनिष्ट शक्तिलाई राष्ट्रपति बनाउन नहुने तर्क कांग्रेसभित्र आउन थालेको छ । 

तर, माओवादी केन्द्रले भने राष्ट्रपतिभन्दा बढी जोड प्रधानमन्त्रीमा गर्नुपर्ने माओवादी केन्द्रका एक पदाधिकारी बताउँछन् । ‘देशमा विकासको लहर सिर्जना गर्नका लागि र माओवादीका आफ्ना चुनावी एजेण्डा कार्यान्वयन गर्नका लागि माओवादीको नेतृत्वमा सरकार बन्न आवश्यक छ । कार्यकारी भूमिका नरहेको राष्ट्रपति पद लिएर हुँदैन’, ती नेताले भने । माओवादी केन्द्रलाई प्रधानमन्त्री दिएर अन्य पद अरू सहयात्री दलहरूका बीचमा बाँडफाँट गर्न सकिने ती नेताको भनाइ छ ।

कांग्रेस संस्थापन इतर खेमामा भने माओवादी केन्द्रले राष्ट्रपति पद लिनका लागि प्रधानमन्त्रीको दाबी गरेको बुझाइ छ । कांग्रेसभन्दा तीन गुणा सानो पार्टीले कार्यकारी पदमा दाबी गर्न नसुहाउने उनीहरू बताउँछन् । कांग्रेसभित्रको अर्को बुझाइ नेता रामचन्द्र पौडेलले प्रधानमन्त्रीमा दाबी गरेर राष्ट्रपति हुन खोजेको भन्ने पनि छ ।

त्यसो हुँदा राष्ट्रपति र प्रधानमन्त्री पद कांग्रेसले लिएर बाँकी राजकीय पदमा भागबण्डा मिलाउनुपर्ने छलफल कांग्रेसभित्र छ । कांग्रेसभित्र यो विषय संसदीय दलको चुनाव अगाडि टुंगो लागिसक्ने उनीहरू बताउँछन् । संसदीय दलको नेतामा सभापति देउवा र महामन्त्री गगन थापाको प्रतिस्पर्धा हुने देखिएको छ । देउवाले छाड्नुपर्ने अवस्थामा उपसभापति पूर्णबहादुर खड्का पनि मैदानमा आउन सक्छन् । 

खड्काले पनि चुनावी प्रचारको क्रममा अब आफू मन्त्रीमा नदोहोरिने अभिव्यक्ति दिएका थिए । त्यसो हुँदा उनले सभामुख वा अवसर पाउँदा प्रधानमन्त्रीमै ताकेको हुनसक्ने कांग्रेसभित्र चर्चा हुने गरेको छ । 

नेकपा एकीकृत समाजवादीको सचिवालय बैठकमा भने राष्ट्रपति वा सभामुखमध्ये एक पाउनुपर्नेबारे छलफल भएको थियो । 

एकीकृत समाजवादीका ‘सम्मानित नेता’ झलनाथ खनालले पहिल्यैदेखि राष्ट्रपति पदमा रूची देखाइरहेका छन् । इलाम–२ बाट चुनाव हारेर फर्कदा पनि खनालले राष्ट्रपतिमा आफ्नो दाबी रहने बताएका थिए । यदी एकीकृत समाजवादीले राष्ट्रपति पद नपाएको अवस्थामा सभामुख पाउनुपर्ने बारे छलफल भएको प्रवक्ता खतिवडाले बताए ।

कांग्रेस, माओवादी केन्द्र र एकीकृत समाजवादी मात्रै सहभागी हुँदा सरकार बनाउन सहज बहुमत पुग्दैन । संसदमा सहज बहुमतमा रहन लोसपा, जनमत वा नागरिक उन्मुक्ति पार्टीमध्ये कुनैलाई वा यी सबैलाई सरकारमा ल्याउनुपर्ने हुन्छ । उनीहरूलाई नल्याउँदा राष्ट्रिय प्रजातन्त्र पार्टी वा राष्ट्रिय स्वतन्त्र पार्टीमध्ये एउटालाई सरकारमा ल्याउनुपर्ने हुन्छ । पद बाँडफाँटको क्रममा उनीहरूको माग पनि सम्बोधन गर्नुपर्ने अवस्था रहन सक्छ । 

कतिपय राजनीतिक विश्लेषकले भने पहिलो एक वर्ष कांग्रेस सभापति शेरबहादुर देउवा प्रधानमन्त्री भएर प्रचण्डलाई सरकारको नेतृत्व हस्तान्तरणको सहमति गरेर तत्कालका लागि प्रधानमन्त्री र राष्ट्रपति दुवै कांग्रेसले नै लिनसक्ने पनि बताउँछन् । त्यसो हुँदा कांग्रेसलाई नेताहरूको व्यवस्थापन केही सजिलो हुने उनीहरूको विश्लेषण छ । 

कांग्रेस सभापति देउवा र प्रचण्डले मन मिलाएको अवस्थामा देउवा राष्ट्रपति बनेर प्रचण्डलाई शुरूका दुई वर्षको सकारको नेतृत्व दिन सक्ने सम्भवानालाई माओवादी केन्द्रका नेताहरू नकार्दैनन् । 

अर्कोतर्फ, नेकपा एमालेले पनि सरकार बनाउनको लागि पहल गर्ने भनेको छ । एमालेले सरकार बनाउन बहुमत पुर्‍याएको अवस्थामा एमालको अध्यक्ष केपी ओली प्रधानमन्त्रीका दाबेदार छन् । एमालेले सरकार गठनको बहुमत पुर्‍याउन माओवादी केन्द्रलाई फकाउनुपर्ने हुन्छ । ओली र प्रचण्डबीचको तिक्ततापूर्ण सम्बन्धलाई हेर्दा यो विकल्प त्यति सहज भने देखिँदैन । 

राजनीतिक वृत्तमा चर्चा चलेको अर्को विषय छ, माओवादी केन्द्र र एकीकृत समाजवादीको एकीकरण । हुन त चुनाव अगाडि नै दुवै पार्टीले एकताको लागि छलफल एकता संयोजन समिति पनि बनाएका थिए । तर, त्यसबेला उक्त समितिले खासै काम गरेको थिएन । 

एकीकृत समाजवादी र माओवादी केन्द्र एकता भएको अवस्थामा माधव नेपाललाई राष्ट्रपतिमा अघि सार्ने सम्भावना पनि रहेको दुवै पार्टीमा सुषुप्त चर्चा छ । तर, यसमा झलनाथ खनालले भने सहमति नजनाएको एकीकृत समाजवादीकै नेताहरू बताउँछन् ।

hAMROPATRO BELOW NEWS
Maruti inside
NLIC
TATA Below
माघ १९, २०७९

राष्ट्रिय स्वतन्त्र पार्टीले गृह मन्त्रालय नपाए सरकारबाट बाहिरिने चेतावनी दिएको छ । आज (बिहीबार) साँझ अबेसम्म करिब साढे चार घण्टा लामो समयसम्म बसेको केन्द्रीय समिति र संसदीय दलको संयुक्त बैठकपछि प्रव...

माघ २०, २०७९

लुम्बिनी प्रदेश सभाको पाँचौ बैठक आजबाट शुरु हुनेभएको छ । प्रदेश सभाको बैठक आज दिउँसो १ बजे बस्ने प्रदेश सभाका सचिव दुर्लभकुमार पुन मगरले जानकारी दिए ।  बैठकमा सांसदहरुले प्रदेशका समसामयिक विषयमा ध...

माघ २०, २०७९

बिहीबार बाँकेको कोहलपुरबाट पक्राउ परेका नागरिक उन्मुक्ति पार्टीका सांसद अरुण चौधरीलाई प्रहरीले आज शुक्रबार अदालतमा उपस्थित गराउने भएको छ । ट्र्याक्टरमा आगजनीको मुद्दामा १२ वर्ष अगाडि दोषी ठहर देखिएका प्रतिनिधिस...

माघ १९, २०७९

सरकारमा सहभागी तेस्रो ठूलो दल रास्वपा सरकारबाट तत्काल नबाहिरिने भएको छ।  आज साँझ अबेरसम्म बसेको पार्टीको बैठकले सरकारमै रहने निर्णय गरेको प्रवक्ता मुकुल ढकालले बैठकपछि जानकारी दिए। बैठक जार...

माघ १९, २०७९

राष्ट्रिय स्वतन्त्र पार्टी ( रास्वपा) का अध्यक्ष रवि लामिछानेको नागरिकता विषयमा सर्वोच्च अदालतले गरेको मुद्दाको फैसलाको पूरा पाठ नआएसम्म सो पार्टीले धैर्य गर्नुपर्ने नेकपा (माओवादी केन्द्र) ले जनाएको छ ।   पा...

माघ १९, २०७९

पार्टी सभापति रवि लामिछानेको सांसद पद खारेज भएपछिको विकसित घटनाक्रमबारे टुंगोमा पुग्न राष्ट्रिय स्वतन्त्र पार्टीलाई सकस परेको छ । नागरिकता प्रकरणमा सांसद र मन्त्री पद खारेज भए पनि पुनः गृहमन्त्री बन्न पाउनुपर्न...

प्रचण्डकै नेतृत्वमा फर्काउन सम्भव छ माओवादीको पुरानो साख !

प्रचण्डकै नेतृत्वमा फर्काउन सम्भव छ माओवादीको पुरानो साख !

माघ १९, २०७९

– सत्तालाई आर्यघाटसम्मको सहयात्री बनाउने । – शक्तिलाई ईश्वरीय अनुकम्पा सम्झने । – सम्पत्तिलाई सामन्ती विरासतको जगमा ढाल्नुपर्ने । – पार्टी मुख्यालयलाई शान्त मसानघाट जस्तो राख्ने । निवास...

डा. केआई सिंहको बर्खास्तगी, प्रचण्डको ‘नायकत्व’ र प्रेमप्रसादहरूको आत्मदाह !

डा. केआई सिंहको बर्खास्तगी, प्रचण्डको ‘नायकत्व’ र प्रेमप्रसादहरूको आत्मदाह !

माघ १५, २०७९

डा. इन्द्रजित सिंह कुँवर अर्थात डा. के.आई. सिंहले २०१४ साउन ११ गते प्रधानमन्त्री पदको शपथ लिए । आफूले एक रुपैयाँ पनि तलमाथि नगर्ने र अरूलाई पनि गर्न नदिने प्रतिबद्धतासहित प्रधानमन्त्री भएका उनले गोप्यरूपमा भ्रष्टा...

हिटलरको बर्बरता र होलोकास्ट : सम्झनामा मानव इतिहासको त्यो त्रासदी

हिटलरको बर्बरता र होलोकास्ट : सम्झनामा मानव इतिहासको त्यो त्रासदी

माघ १३, २०७९

मानव सभ्यताको इतिहासबाट युद्ध निकालिदिने हो भने त्यो पूर्ण हुने छैन । परापूर्वकालदेखि अहिलेसम्म पनि विभिन्न परिणामका युद्धहरू भइरहेका छन् । एकाथरि विद्वानहरू मानव विकासको प्रमुख आधार नै संघर्ष वा युद्ध हो भन्ने ...

ad
x