माघ १८, २०८०
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
मंसिर १५, २०७९
यही मंसिर ४ मा सम्पन्न प्रतिनिधिसभा र प्रदेशसभा निर्वाचनमा अपेक्षाकृत नतिजा नआएपछि जनता समाजवादी पार्टी (जसपा) द्विविधामा फसेको छ ।
चुनावी नतिजाको समीक्षा समेत गर्न नभ्याएको जसपा भावी सत्ता समीकरणमा कस्तो भूमिका खेल्ने भन्ने विषयमा अन्योलमा परेको हो ।
नेकपा एमालेसँग तालमेल गरेर चुनाव लडे पनि जसपाले सोचेजस्तो नतिजा आउन सकेन । पार्टीका केन्द्रीय कार्यकारिणी समिति अध्यक्ष उपेन्द्र यादव नै पराजित भए ।प्रत्यक्षतर्फ ७ र समानुपातिकमा ५ गरी करीब १२ सीट जित्ने देखिएको जसपाको भूमिका सत्ता समीकरणमा के हुने भन्ने यकिन हुन सकेको छैन ।
आगामी सरकारमा सहकार्यका लागि गठबन्धनका शीर्ष नेताहरूले जसपा अध्यक्ष यादवलाई प्रस्ताव गरिरहेका छन् ।
चुनावमा पराजित भए पनि जसपाको निर्णय उपेन्द्रकै चाहनाअनुकूल हुनेमा शंका छैन । नेकपा माओवादी केन्द्रका अध्यक्ष पुष्पकमल दाहाल 'प्रचण्ड' ले त उपेन्द्रसँग भेटेरै सहकार्यको प्रस्ताव राखेका छन् ।
त्यसबाहेक कांग्रेस, माओवादीका दोस्रो तहका नेताहरू र जसपाका नेताहरूबीच पनि सत्ता सहकार्यका लागि संवाद भइरहेको छ ।
'संघीय सरकारदेखि मधेश प्रदेशमा समेत सरकार निर्माणका लागि सत्ता गठबन्धनबाट एप्रोच भएको छ,' जसपाका प्रवक्ता मनिष सुमनले लोकान्तरसँग भने, 'त्यसैगरी एमालेले पनि गठबन्धन बनाएर नै संघदेखि मधेश प्रदेशमा सरकार बनाउनका लागि प्रस्ताव गरिरहेको छ ।'
जनताले जसपालाई प्रतिपक्षमा बस्न जनादेश दिएका कारण जसपा यसपटक सरकारमा जान इच्छुक नरहेको उनले बताए । यद्यपि सरकारमा जाने सम्भावनालाई पनि नकारेनन् ।
'जसपाविना संघ र मधेश प्रदेशमा सरकार नै बन्न नसक्ने स्थिति उत्पन्न हुँदा त्यस विषयमा निर्णय गर्छौं नै,' सुमनले थपे, 'तर अहिले त्यस विषयमा हामीले कुनै निर्णय गरेका छैनौं । सरकार गठनका विषयमा छलफल समेत गरेका छैनौं ।'
निर्वाचनको समीक्षामा नै रहेका कारण त्यस विषयमा अहिले केही निर्णय नभएको उनले बताए । 'एमालेसँग हाम्रो चुनावी तालमेल मात्र भएको थियो, गठबन्धन भएको थिएन,' सुमनले थपे, 'त्यसैले एमालेसँग नै गठबन्धन गर्नुपर्छ भन्ने कुनै बाध्यता पनि छैन । अर्कातर्फ कांग्रेससँगको गठबन्धनमै जानुपर्छ भन्ने बाध्यता पनि छैन ।'
तर, जसपाका अर्का नेता दीपेन्द्र झा भने कार्यकर्ता तहमा एमालेसँगको तालमेलले फाइदा नभएको बुझाइ देखिएको बताउँछन् ।
'कांग्रेससँगको गठबन्धन नै ठीक हुन्थ्यो, अझै पनि त्यही गठबन्धनसँग सत्ता सहकार्य गरेर जाँदा राम्रो हुन्छ भन्ने कुरा धेरैजसो कार्यकर्ताहरूले गरिरहनुभएको छ,' झाले लोकान्तरसँग भने, 'निर्वाचनमा जस्तो परिणाम आएको छ, त्यसलाई हेरेर कार्यकर्ता तहमा एमालेसँग सहकार्य गर्न नहुने सुझाव आइरहेको छ ।'
तर, नेतृत्व त्यस विषयमा अहिले कन्फ्युजनमा रहेको उनले बताए । 'पार्टी अध्यक्ष उपेन्द्र यादव नै पराजित भएका कारण अन्य नेताहरू अहिले पनि स्तब्ध नै हुनुहुन्छ । सोही कारण पनि अहिलेसम्म त्यस विषयमा निर्णय हुनसकेको छैन,' झाले भने ।
जसपा संघीय परिषद अध्यक्ष अशोक राईका सहयोगी विजय चाम्लिङ भने एमालेसँग भएको तालमेलका कारण नै जसपा अहिले राष्ट्रिय पार्टी बन्न सफल भएको हुनाले एमालेसँग नै सहकार्य गर्ने पक्षमा जसपा आफूहरू रहेको बताउँछन् ।
'जसरी सत्ता गठबन्धनले हामीलाई १३ सीट मात्र दिएर अपमान गरेको थियो, त्यही आधारमा हामीले चुनाव लडेको भए हाम्रो थ्रेसहोल्ड पनि कट्दैन्थ्यो,' उनले लोकान्तरसँग भने, 'त्यसैले अहिले नै एमालेसँगको सहकार्य तोड्नुपर्छ भन्ने कुनै कारण छैन । फेरि एमालेसँग थप केही समझदारी भएको कुरा पनि नेताहरूले भन्नुभएको हुनाले अहिलेको सत्ता गठबन्धनमा जाने अवस्था अवस्था छैन ।'
प्रतिनिधिसभामा संसदीय दलको नेतामा स्वाभाविक रूपले अशोक राईको दाबी रहने चाम्लिङले बताए । 'उहाँ पार्टीको संघीय परिषद अध्यक्ष पनि भएको हुनाले वरिष्ठताका आधारमा पनि उहाँ नै संसदीय दलको नेता बन्नुहुन्छ,' उनले थपे, 'उहाँ हुँदाहुँदै कुनै जुनियरलाई दलको नेता बनाउँदा उपयुक्त हुँदैन ।'
तर, जसपाका कतिपय नेताहरू भने पार्टीको आधार मधेश भएकाले मधेशी अनुहार नै प्रतिनिधिसभाको संसदीय दलको नेतृत्वमा हुनुपर्ने धारणा राख्छन् ।
'पार्टीमा मधेशी अनुहार नै संसदीय दलको नेता हुनुपर्छ भन्ने जबर्जस्त माग उठेको छ,' प्रतिनिधिसभामा निर्वाचित भएका जसपाका एक नेताले लोकान्तरसँग भने, 'जसपा अध्यक्ष उपेन्द्रजीको विश्वासपात्र रामसहायप्रसाद यादव दलको नेता बन्ने सम्भावना छ ।'
अशोक राईले नमाने दलको नेताका लागि चुनाव हुने उनले बताए ।
'चुनाव हुँदा अशोकजीले बहुमत जुटाउन सक्नुहुन्न । बहुमत पुर्याउन रामसहाय यादवजीलाई कुनै गाह्रो छैन,' ती नेताले भने ।
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...