पाकिस्तान भ्रमणमा रहेको इंग्ल्यान्डले शृंखलाको पहिलो टेस्टको पहिलो दिन कीर्तिमान रचेको छ । 

टेस्टको पहिलो दिन इंग्ल्यान्डले चार विकेटको क्षतिमा ५०६ रन बनाएर ११२ वर्ष पुरानो कीर्तिमान तोडेको हो । 

सन् १९१०/११ मा अस्ट्रेलियाले दक्षिण अफ्रिकाविरुद्ध ६ विकेटको क्षतिमा ४९४ रन बनाएको थियो । 

पहिलो दिन इंग्ल्यान्डका चार ब्याट्सम्यानले शतक पूरा गरे । ज्याक क्रलीले १२२, बेन डकेटले १०७, ओली पोपले १०८ र ह्यारी ब्रूकले नटआउट १०१ रन बनाएका छन् । 

जम्मा ७५ ओभरमा इंग्ल्यान्डले ६.७५ को रनरेटमा ५०६ रन बनाएको हो । खराब प्रकाशका कारण अम्पायरहरूले समयअगावै दिनको खेल अन्त्य गराएका हुन् ।