मंसिर २२ गतेदेखि भारतको कलकत्तामा सातौँ सुन्तला महोत्सव हुँदैछ । यसले नेपाली सुन्तला कृषक तथा व्यावसायी उत्साहित भएका छन् । सन् २०१३ देखि कलकत्तामा हुँदैआएको महोत्सवले नेपालको पर्यटन प्रवर्धनमा सहयोग पुग्ने विश्वास कृषकको छ ।  

एसोसिएसन फर कन्जरभेसन एण्ड टुरिजम नेपालका संयोजक अर्जुनकुमार कार्कीले महोत्सब मंसिर २२ देखि २४ गतेसम्म हुँदैछ । कलकत्ताको सल्टेक सिटिसेन्टरमा हुने महोत्सवमा भाग लिन इलाम, धनकुटा, पाँचथरका सुन्तला ब्यवसायी, पर्यटन ब्यावसायी कलकत्ता गएका छन् ।

कार्कीका अनुसार झापा काँकडभिट्टाबाट नेपाली पर्यटन ब्यवसायीको टोली बुधबार नै भारतको कलकत्ता प्रस्थान गरिसकेको छ । नेपाल, भारत, भूटान र बंगलादेशबाट कृषक तथा व्यावसायीको महोत्सवमा सहभागिता रहने बताइएको छ । 

ग्रामीण पर्यटन बिकास र कृषि उत्पादनको बजारीकरणको प्रचार–प्रसारमा सहयोग पुग्ने विश्वास पनि आयोजकले लिएको छ । महोत्सवले नेपालका सुन्तला उत्पादक किसानलाई ब्यवसायमा जोड्ने काम गर्नछ संयोजक कार्कीले भने ।  

हरेक वर्ष हुने सो महोत्सवमा कोभिडका कारण तीन वर्षदेखि नेपालीको सहभागिता हुन सकेको थिएन । यस वर्ष करिब दुई सय कृषक तथा सुन्तला व्यावसायी महोत्सवमा भाग लिने कार्कीको भनाइ छ । 

होटल ब्यवसायी संघ इलामका अध्यक्ष देवी पौडेलका अनुसार महोत्सवसँग जोडिएका पर्यटकहरु नेपालमा समेत घुम्न आउने हुनाले यहाँको व्यवसायीलाई पनि फाइदा हुनेगरेको छ । इलामको सलकपुर, पाँचथर र धनकुटामा उत्पादित सुन्तला प्रचार प्रसारमा सहयोग पुग्ने उनले बताए ।