भारतको राजधानीमा भएको दिल्ली नगर निगम (एमसीडी) चुनावको मतगणनाको शुरूआतमा आम आदमी पार्टी (आप) ले अग्रता लिएको छ ।

हालसम्म १२६ सिटमा आपले अग्रता लिँदा भारतीय जनता पार्टी (भाजपा) ९६ सिटमा अगाडि छ । भारतीय कांग्रेस भने ३ सिटमा मात्रै अगाडि देखिएको छ । पछिल्लो समय भारतीय कांग्रेस साह्रै कमजोर अवस्थामा पुगेको छ ।

मतदानपछि भएका सर्वेक्षणमा आपले बहुमत ल्याउने आकलन गरिएको थियो । शुरूआती गणनामा पनि यही संकेत देखिएको छ ।

यसअघि दिल्ली नगर निगममा भाजपाको नेतृत्व रहेको थियो ।